Пуцін: Эканоміка Расіі ў шэсць разоў адстае ад Індыі
1- 9.12.2025, 9:28
- 4,034
Кіраўнік Крамля рэзка выказаўся.
Расія марна спрабуе дагнаць сусветную эканоміку, хоць дыктатар Уладзімір Пуцін пастаянна патрабуе ад урада гэта зрабіць. На апошнім пасяджэнні Савета па стратэгічным развіцці ён заявіў, што ўрад павінен неадкладна пачаць рэалізацыю плана, які нібыта дапаможа паскорыць рост ВУП да ўзроўню вядучых краін свету.
Паводле слоў Пуціна, эканоміка Расіі ў гэтым годзе чакана запаволілася. ВУП дадасць каля 1%, у той час як сусветная эканоміка, паводле прагнозу МВФ, вырасце на 3,2%. ЗША пакажуць прыкладна 2% росту, гэта значыць у два разы больш, Кітай — амаль у пяць разоў больш, чым РФ, а Індыя — больш чым у шэсць разоў.
Нягледзячы на крытычнае адставанне, Пуцін заяўляе, што зніжэнне інфляцыі нібыта стварае ўмовы для будучага паскарэння. Пры гэтым ён патрабуе, каб рост быў раўнамерным і закранаў усе рэгіёны РФ.
Прыкметна, што падобныя абяцанні Крэмль дае ўжо многія гады. Яшчэ ў 2018 годзе Пуцін таксама ставіў задачу вывесці Расію на тэмпы сусветнага росту. Тады меркавалася, што за шэсць гадоў ВУП павялічыцца амаль на 17,5%, але вынік аказаўся на трэць горшы — эканоміка вырасла толькі на 11,6%.
Абсурднымі былі і іншыя мэты: рэальныя даходы насельніцтва так і не вярнуліся да ўзроўню 2013 года, а натуральная ўбыць насельніцтва толькі паскорылася і перавысіла 4 млн чалавек. Яшчэ больш гучныя планы прагучалі ў пачатку 2010-х.
У стратэгіі развіцця да 2020 года закладалі рост ВУП на 64–66% і аналагічнае павелічэнне даходаў грамадзян. Насамрэч эканоміка амаль стаяла на месцы — усяго плюс 5,8% за восем гадоў, тады як рэальныя даходы расіян знізіліся прыкладна на 5%.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
