Пуцін гэтай змены не ўсведамляе
- Аббас Галлямаў
- 7.12.2025, 14:07
- 5,872
У яго логіка гульца ў казіно.
Калі глядзець на вайну з пункту гледжання расійскай грамадскай думкі, дык чым даўжэй яна цягнецца, тым лягчэй яе скончыць. Гэта спачатку народ прагнуў перамогі, а цяпер яна яму ўжо не патрэбна.
Дастаткова, каб гэты кашмар як мага хутчэй скончыўся.
Яшчэ нядаўна думка пра тое, што Расія не можа перамагчы Украіну, была для сярэднестатыстычнага расіяніна нечым невыносным — нібыта серпам па горле, — а цяпер ён да яе прывык. Непрыемна, але нічога — жыць можна. Можна пра гэта наогул не думаць.
Пуцін гэтай змены настрояў не ўсведамляе. Ён думае, што чым больш праліта крыві, тым больш пераканаўчым павінен быць канчатковы вынік, іначай з яго за гэтую кроў спытаюць, — маўляў, а навошта тады ўсё гэта было патрэбна?
Ён лічыць, што колькасць загінулых павышае цану завяршэння праекта. Забітыя ідуць у сабекошт.
У Пуціна логіка гульца ў казіно. Той прайграе і павышае стаўкі, спадзеючыся адгуляцца, пры гэтым па спіне ўжо бяжыць халадок. Ён адчувае, што ўжо банкрут, а спыніцца не можа…
Насамрэч за кроў з яго сапраўды спытаюць. І ўсе прэтэнзіі прад’явяць. І праклянуць — гэтага яму ўжо не пазбегнуць. Але гэта будзе праз нейкі час — не адразу.
Можа нават праз пакаленне, як было з немцамі пасля Гітлера. А пакуль людзі будуць рады простаму заканчэнню ўсяго гэтага вар’яцтва.
Радыкальна змяніўшы павестку на карысць мірнага будаўніцтва; барацьбы з карупцыяй; нацыяналізацыі (не паўзучай, як цяпер, а аформленай як паўнавартасны палітычны праект); можа быць, масавага асваення Сібіры і гэтак далей — можна будзе паспрабаваць адцягнуць момант, калі грамадства гэтыя прэтэнзіі прад’явіць.
Аббас Галлямаў, «Тэлеграм»
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
