ЗША вырашылі мадэрнізаваць ядзерную трыяду

Міністр вайны Піт Хегсет раскрыў падрабязнасці.

Злучаныя Штаты збіраюцца мадэрнізаваць сваю ядзерную трыяду. Пра гэта заявіў міністр вайны ЗША Піт Хегсет, выступаючы на форуме па нацыянальнай абароне імя Рональда Рэйгана. Хегсет падкрэсліў, што мадэрнізацыя павінна забяспечыць дадатковыя інструменты «для падтрымкі стрымлівання і кіравання эскалацыяй».

Паводле слоў міністра, Вашынгтон сутыкаецца з выклікамі з боку «дзвюх іншых буйных ядзерных дзяржаў» і мае намер выпрабоўваць як ядзерныя боезарады, так і сродкі іх дастаўкі «нараўне з іншымі». «Мы ніколі не дапусцім, каб наша нацыя засталася ўразлівай перад ядзерным шантажом», — адзначыў Хегсет.

У канцы кастрычніка Уладзімір Пуцін абвясціў аб завяршэнні «вырашальных выпрабаванняў» міжкантынентальнай крылатай ракеты з ядзерным рухавіком «Буревестник», назваўшы яе «унікальным» узорам узбраення «неабмежаванай далёкасці». Дональд Трамп ахарактэрызаваў гэтыя заявы як «недарэчныя», адзначыўшы, што Маскве варта было б засяродзіцца на завяршэнні вайны ва Украіне. Ён таксама нагадаў пра знаходжанне амерыканскай ядзернай падлодкі каля расійскіх берагоў. Пасля гэтага Пуцін працягнуў гаварыць пра «паспяховыя выпрабаванні» ядзернай тарпеды «Посейдон».

На гэтым фоне прэзідэнт ЗША даручыў Пентагону «неадкладна» прыступіць да падрыхтоўкі ядзерных выпрабаванняў. Як адзначала Reuters, апошняе падобнае выпрабаванне Вашынгтон праводзіў у 1992 годзе. Хегсет заявіў, што аднаўленне выпрабаванняў — «вельмі адказны спосаб» падтрымання стрымлівання, удакладніўшы, што Пентагон будзе працаваць сумесна з Міністэрствам энергетыкі.

На пачатку лістапада Трамп таксама падкрэсліваў, што ЗША не намерваюцца заставацца адзінай краінай, якая ўстрымліваецца ад выпрабаванняў, у той час як «іншыя дзяржавы іх праводзяць». Ён згадаў Расію, Паўночную Карэю, Кітай і Пакістан, якія, паводле яго слоў, могуць праводзіць такія выпрабаванні негалосна. На пытанне, ці азначае гэта вяртанне да падрываў боезарадаў пасля больш чым 30-гадовага перапынку, Трамп адказаў: «Мы будзем тэставаць ядзерную зброю, як і іншыя краіны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]