Беларуска нечакана ўсвядоміла, што рускія не разумеюць выраз «сесці на каня»

У каментарыях узнялася бура.

«А вы ведалі, што ў беларусаў выраз «сесці на каня» азначае вельмі моцна раззлавацца? Я часта карысталася гэтай фразай, пакуль не зразумела, што рускія мяне не разумеюць. Яны думалі, што гэта нешта кшталту «стаць пераможцам», — напісала ў Threads карыстальніца kris.erica.pavlova. На момант публікацыі нататкі пост ужо сабраў амаль 97 тысяч праглядаў.

Для многіх рускіх гэты факт сапраўды стаў адкрыццём: «А як гэта тлумачыцца? Чаму раззлаваны — гэта той, хто сеў на каня?» Былі і тыя, хто ведаў пра такое выслоўе, але яны аказаліся ў меншасці.

Для беларусаў гэта была нагода паіранізаваць і ўспомніць пра аналагічныя сітуацыі:

«Так)) калі я працавала ў Піцеры, часта казала гэтую фразу, а потым зразумела, што мяне не разумеюць. І тады я ім патлумачыла і папярэдзіла, што калі я яшчэ і на белага каня сяду — усім пагібель»;

«А яны ведаюць, што такое «тры дні немцы ў хаце»?»;

«Палова сям’і з Расіі, езджу да іх штогод з ранняга дзяцінства. Толькі гэтым летам даведалася, што мая сястра не разумее фразу «давай купім сметаннік». Для яе гэта — ватрушка»;

«Спачатку я здзівілася, што слова «буська» яны не ведаюць. Цяпер «сесці на каня», аказваецца, таксама не разумеюць».

«Прыкіньце, у расіян таксама ёсць фразы, якіх вы не зразумееце. Гэта цалкам натуральная з’ява», — канстатаваў адзін з карыстальнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]