У Беларусі з-за нерухомасці разгарэлася сямейная драма з нечаканым фіналам

Беларус выпадкова даведаўся, што сваякі пазбавілі яго долі ў кватэры.

Сямейная спрэчка вакол старой бацькоўскай кватэры нечакана выявіла, што беларуса незаконна пазбавілі долі. Вярнуць яе ўдалося толькі праз суд, паведамляецца на сайце Беларускай рэспубліканскай калегіі адвакатаў.

Беларус апынуўся ўцягнутым у сямейны канфлікт. Яго родная сястра падала ў суд, патрабуючы прызнаць, што ён і яго дачка страцілі права жыць і карыстацца калісьці бацькоўскай кватэрай, дзе яны зарэгістраваныя. Сястра сцвярджала, што кватэра належыць толькі ёй, а брат з пляменніцай шмат гадоў там не з’яўляюцца, камунальныя плацяжы не аплачваюць і наогул даўно жывуць у доме ягонай жонкі.

Калі адвакат пачала разбірацца, высветлілася, што мужчына раней пражываў і быў зарэгістраваны ў гэтай кватэры з 1985 года. Пра тое, што ўласніцай стала сястра, ён даведаўся толькі пасля таго, як атрымаў копію яе іску. Ніякіх дакументаў пра яе права ўласнасці ён да гэтага не бачыў — сястра пра гэта не казала.

З запатрабаваных адвакатам дакументаў стала зразумела, што ў 2000 годзе іх бацька прыватызаваў жыллё, выкарыстаўшы пры гэтым у тым ліку жыллёвую квоту сына — героя гэтай гісторыі. А ўжо пасля прыватызацыі бацька падарыў кватэру дачцэ. Але ў працэсе дарэння ніхто не ўлічыў, што сын таксама ўдзельнічаў у прыватызацыі і фактычна набыў долю ў кватэры. Ён не даваў згоды ні на адмову ад гэтай долі, ні на дарэнне ўсёй кватэры сястры. Больш за тое, у дагаворы дарэння нават не было ўказана, што ён захоўвае права пражывання як удзельнік прыватызацыі.

Адвакат падрыхтавала сустрэчны іск: прызнаць дагавор дарэння нікчэмным, дзяржаўную рэгістрацыю права — несапраўднай і афіцыйна замацаваць долю мужчіны ў праве ўласнасці на кватэру. Сястра катэгарычна ўсё адмаўляла і нават спрабавала сцвярджаць, што брат «спазніўся» са сваім іскам і тэрмін даўнасці мінуў.

Суд першай інстанцыі цалкам адмовіў сястры ў яе патрабаваннях. Суддзя прызнаў, што ў брата сапраўды была доля, якую ніхто не мог адабраць без яго згоды, а сама здзелка дарэння парушала закон. Таму яе прызналі нікчэмнай, дзяржаўную рэгістрацыю адмянілі, а мужчыну афіцыйна вярнулі яго долю ў кватэры.

Сястра паспрабавала абскардзіць рашэнне ў апеляцыі, але абласны суд пакінуў усё без зменаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]