Расія нанесла ўдар па турэцкім транспартным судне ў порце Чарнаморска ў Адэскай вобласці
9- 12.12.2025, 22:26
- 8,110
Судна пасля ўдару ахапіў агонь.
Расія ў пятніцу нанесла ўдары ракетамі і дронамі па двух найбуйнейшых марскіх партах Адэскай вобласці Украіны — адэскім і чарнаморскім. Як паведаміў прэзідэнт краіны Уладзімір Зяленскі, у Чарнаморску ў выніку абстрэлу было пашкоджана грамадзянскае судна. Судзячы з кадраў ДСНС Украіны, пад расійскі ўдар трапіў балкер CENK T. Паводле звестак крыніц Reuters, ён належыць турэцкай кампаніі.
Мяркуецца, што гэта Cenk Shipping RoRo. Судна пасля ўдару ахапіў агонь. Расійскія войскі атакавалі ўкраінскія парты ракетамі «Іскандэр-М», піша «Крымскі вецер». Таксама канал паведамляў пра запускі з тэрыторыі Крыма дронаў «Шахед».
Атакаваны ў Чарнаморску балкер ходзіць пад сцягам Панамы і рэгулярна курсіруе паміж турэцкімі і ўкраінскімі портамі, сведчаць даныя адсочвання суднаў, вывучаныя The Insider. Перад ударам CENK T ішоў з Карасу ў Турцыі ў напрамку румынскага порта Суліна. Судна перавозіла кантэйнеры кампаніі AKSA; гэта буйны турэцкі вытворца дызельных, бензінавых і газавых генератараў і электрастанцый.
Акрамя атакі на турэцкае судна ў Чарнаморску, Расія нанесла ўдар па кантэйнерным перагружальніку ў порце Адэсы, паведаміў у тэлеграм-канале віцэ-прэм’ер Украіны Аляксей Кулеба. Паводле яго дадзеных, у выніку атакі пацярпеў супрацоўнік прыватнай кампаніі.
Расія нанесла ўдары па турэцкім судне і адэскіх партах у той жа дзень, калі прэзідэнт Турцыі Рэджэп Таіп Эрдаган сустрэўся з Пуціным у Ашгабаце на «Міжнародным форуме міру і бяспекі». Як паведаміла Anadolu, турэцкі лідар заклікаў РФ і Украіну абмежаваць атакі супраць энергетычных аб’ектаў і партоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
