Еўрасаюз бестэрмінова замарозіў расійскія актывы
11- 12.12.2025, 21:37
- 13,568
Ідзе пра 210 мільярдаў еўра.
Краіны Еўрасаюза згадзіліся замарозіць расійскія актывы ў памеры 210 млрд еўра на бестэрміновы тэрмін. Цяпер гэтае рашэнне не будуць падаўжаць кожныя шэсць месяцаў.
Пра гэта паведамляе РБК-Украіна са спасылкай на кіраўніцу Еўракамісіі Урсулу фон дэр Ляен у сацсетцы X і Reuters.
Фон дэр Ляен прывітала рашэнне Рады ЕС па прапанове Еўракамісіі прадоўжыць замарозку расійскіх актываў.
— Мы пасылаем Расіі ясны сігнал: пакуль гэта жорсткая вайна агрэсіі працягваецца, выдаткі Расіі будуць толькі расці. Гэта магутны сігнал для Украіны: мы хочам пераканацца, што наш храбры сусед стане яшчэ мацнейшым на полі бою і за сталом перамоў, — падкрэсліла яна.
У той жа час Reuters удакладняе, што ўрады краін Еўрасаюза дамовіліся замарозіць расійскія актывы «настолькі, колькі спатрэбіцца», замест таго, каб кожныя шэсць месяцаў галасаваць за падаўжэнне замарожвання актываў.
Такое рашэнне ліквідуе рызыку таго, што Венгрыя і Славакія, якія падтрымліваюць «цёплыя» адносіны з Расіяй, могуць заблакаваць падаўжэнне замарозкі расійскіх актываў і, такім чынам, грошы вернуцца агрэсару.
Таксама бестэрміновая замарозка актываў можа пераканаць Бельгію падтрымаць план ЕС па выкарыстанні гэтых сродкаў для надання Украіне «рэпарацыйнага крэдыту» ў памеры да 165 млрд еўра для пакрыцця яе ваенных і грамадзянскіх бюджэтных патрэб у 2026 і 2027 гадах.
Чакаецца, што Еўрапейскі савет збярэцца 18 снежня, каб канчаткова ўзгадніць падрабязнасці «рэпарацыйнага крэдыту» і вырашыць асталыя пытанні, у тым ліку гарантыі ўсіх урадаў ЕС для Бельгіі, што яна не застанецца адна з аплатай рахункаў, калі патэнцыйны пазоў Масквы апынецца паспяховым.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
