На беларускай мяжы затрымалі найбуйнейшую ў гісторыі партыю наркотыкаў
25- 12.12.2025, 21:25
- 17,078
Кошт вынятай партыі складае $62 мільёны.
Беларускія мытнікі заявілі, што спынілі найбуйнейшую ў гісторыі суверэннай Беларусі міжнародную пастаўку з ЕС партыі наркотыкаў і псіхатропаў. Ідзецца пра груз прыкладна 1,3 т, паведамілі ў Дзяржаўным мытным камітэце.
У паведамленні сказана, што 8 тыс. брыкетаў з 915 кг гашышу і 50 скрынак з 367 кг мефедрону везлі ў грузавіку польскага перавозчыка ў Беларусь і Расію. У дакументах груз быў пазначаны як партыя мінеральнай вады. Пры гэтым некалькі дзясяткаў бутэлек з вадой выкарыстоўвалі як тавар прыкрыцця.
Паведамляецца, што схему ўстанавілі супрацоўнікі Аператыўнай мытні, якія вырашылі ўважліва даглядзець грузавік пасля сканавання яго змесціва з выкарыстаннем інспекцыйна-даглядовага комплексу.
У мытні ўдакладнілі, што пасля афармлення груз павінен быў накіравацца ў Расію, таму мытныя органы Беларусі сумесна з расійскімі калегамі правялі аператыўна-вышуковыя мерапрыемствы. У выніку ўстанавілі і затрымалі ўдзельнікаў міжнароднай злачыннай групы, у якую ўваходзілі грамадзяне Еўрасаюза, Беларусі, Расіі і Малдовы. Пры вобшуку ў іх вынялі яшчэ 5 кг гашышу і мефедрону.
Узбуджаныя крымінальныя справы за кантрабанду наркотыкаў у асабліва буйным памеры, фігурантам пагражае да 20 гадоў пазбаўлення волі.
У мытні таксама адзначылі, што кошт на чорным рынку вынятай партыі наркотыкаў і псіхатропаў складае каля $62 млн. Такая колькасць хапіла б на 2,933 млн разавых доз.
У мінулым годзе мытня паведамляла пра раскрыццё злачыннай схемы групы асоб, якія спрабавалі ўвезці ў нашу краіну 1077 кг наркотыкаў, што тады называлі найбуйнейшай у гісторыі суверэннай Беларусі партыяй наркотыкаў і псіхатропаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
