«У Пуціна быў асаблівы план для Купянска»

Эксперт пра значэнне поспеху ЗСУ.

Спробы Расіі захапіць Купянск абумоўленыя жаданнем кіраўніка РФ Пуціна паказаць прэзідэнту ЗША Дональду Трампу, што Украіна нібыта прайграе вайну на полі бою. Бо і кіраўнік Крэмля, і прэзідэнт Украіны Уладзімір Зяленскі разумеюць, наколькі моцна сітуацыя на фронце ўплывае на перамовы і пазіцыі бакоў.

Пра гэта распавядае украінскі журналіст і палітычны аглядальнік Віталь Портнікаў. Паводле яго слоў, у Пуціна ёсць вялікія планы на Купянск, якія яму не ўдалося ўвасобіць у 2022 годзе.

— Расія хоча паказаць ЗША, што адзіным выхадам для Украіны з'яўляецца капітуляцыя, абумоўленая логікай баявых дзеянняў, — кажа Портнікаў.

Ён адзначае, што ў 2022 годзе пасля акупацыі горада Расія хацела правесці там рэферэндум, але не паспявала, бо наступ ЗСУ вызваліў Харкаўшчыну ад акупантаў. Аднак Пуцін гэтых планаў не пакінуў і хоча рэалізаваць іх у 2026 годзе.

— Навошта Пуціну рэферэндум? Тут усё проста: калі народ нібыта прагаласуе за «дабраахвотнае» далучэнне да Расіі, Крэмль запатрабуе поўнага вываду войскаў ЗСУ з тэрыторыі ўсёй Харкаўшчыны. Бо гэтая вобласць паводле канстытуцыі РФ будзе «расійскай», — тлумачыць журналіст.

Інакш кажучы, такім чынам Крэмль пашырыць патрабаванні аб дэмілітарызацыі Данбаса, дадаўшы туды яшчэ і Харкаўскую вобласць.

Портнікаў тлумачыць: «Тое, што адбываецца ў Купянску, — гэта не проста лакальная вайна за адзін з гарадоў Харкаўскай вобласці. Гэта перадусім супрацьстаянне геапалітычным планам расійскага лідара па далейшым расчляненні Украіны».

Паводле эксперта, Пуцін імкнецца даказаць ЗША, што на полі бою Украіна вайну не выйграе, а акупацыя тэрыторый — пытанне часу. Такім чынам, Трамп пад кіраўніцтвам Крэмля павінен яшчэ больш схіліцца да капітулянцкага сцэнара для Кіева.

У той жа час поспех ЗСУ каля Купянска, які нядаўна наведаў Зяленскі, руйнуе гэтыя планы Крэмля. Аднак, каб цалкам іх прадухіліць, украінскія вайскоўцы павінны нарошчваць магутнасць атак на фронце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]