CNN: ЗСУ адкрылі новы фронт
9- 12.12.2025, 19:39
- 27,348
Экспартная інфраструктура Расіі таксама пад прыцэлам.
Украіна рэзка пашырыла геаграфію удараў па энергетычнай інфраструктуры Расіі, ператвараючы энергетыку ў адзін з ключавых фронтаў вайны. На гэтым тыдні Кіеў упершыню атакаваў буйную нафтавую платформу расійскай кампаніі «Лукойл» у Каспійскім моры — крок, які адкрывае новы плацдарм ціску на расійскія даходы. Паводле крыніцы ў СБУ, усе аб’екты, звязаныя з фінансаваннем расійскай арміі, цяпер лічацца законнымі мэтамі, піша CNN (пераклад — сайт Charter97.org).
З пачатку жніўня інтэнсіўнасць дальнабойных удараў значна ўзрасла. Паводле дадзеных ACLED, за чатыры месяцы Украіна паразіла як мінімум 77 аб’ектаў энергасектара РФ — удвая больш, чым за ўвесь папярэдні перыяд года. Удары наносяцца па ўсёй ланцужку нафтаздабычы і экспарту: ад перапрацоўчых заводаў да экспартных тэрміналаў, танкераў і трубаправодаў.
Асобны элемент стратэгіі — шматразовыя атакі па адных і тых жа аб’ектах, каб не даць ім аднавіцца. Саратаўскі НПЗ, які належыць «Раснафце», быў атакаваны ўжо восем разоў, што істотна зніжае яго перапрацоўчыя магутнасці і запавольвае любыя рамонты.
Экспартная інфраструктура таксама пад прыцэлам. Порты Наварасійск, Туапсэ і Усць-Луга перажылі серыю удараў, а нафтаправод «Дружба» быў пашкоджаны пяць разоў, што выклікала пратэсты Венгрыі. У Чорным моры ўкраінскія марскія дроны атакавалі ўжо некалькі танкераў, што выклікала публічную рэакцыю Уладзіміра Пуціна, які назваў удары «пірацтвам».
Нягледзячы на рызыкі, Кіеў намерваецца працягваць. Украінскія эксперты сцвярджаюць, што скарачэнне расійскіх нафтавых даходаў — адзін з нямногіх спосабаў аслабіць здольнасць Расіі весці працяглую вайну.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
