Кітайцы выціскаюць МАЗ з расійскага рынку

Продажы грузавікоў падаюць.

У лістападзе 2025 года на расійскім рынку было прададзена 264 новыя грузавікі ААТ «Мінскі аўтамабільны завод» — на 42,6% менш, чым за той жа месяц 2024-га (460), гаворыцца ў даследаванні «АСМ-холдынг» (РФ), заўважыў «Позiрк».

Прадукцыя МАЗа ў мінулым месяцы заняла шостае месца сярод найбольш прадаваных брэндаў сегменту грузавой тэхнікі ў Расіі. Эксперты адзначаюць, што раней прадпрыемства займала: у студзені, лютым і сакавіку — шостае месца, у красавіку — дзяліла пятае і шостае, у маі — чацвёртае, у чэрвені, ліпені і жніўні — сёмае, у верасні — пятае, у кастрычніку — зноў шостае. Рыначная доля МАЗа склала 5,2% (у кастрычніку — 5,2%).

Лідарамі продажаў у лістападзе сталі КамАЗ — 1 576 (-26% да лістапада 2024-га), SITRAK — 719 (-32,4%), FAW — 464 (-51%).

За 11 месяцаў 2025 года беларускае прадпрыемства рэалізавала ў Расіі 2 859 грузавікоў (5 140 годам раней; -44,4%, зніжэнне амаль у 1,8 раза).

Па выніках 2024 года МАЗ прадаў у РФ 5 719 адзінак тэхнікі (у 2023-м — 6 406; -10,7%).

Пяцёрка лідараў продажаў у 2024 годзе выглядала так: КамАЗ — 23 121 (-26,5% да 2023-га), SITRAK — 19 376 (-19,2%), Shacman — 15 545 (-25,6%), FAW — 11 680 (-26,3%), Dongfeng — 9 990 (павелічэнне ў 2,1 раза).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]