ISW: Лаўроў адхіліў сем ключавых пунктаў мірнага плана ЗША
14- 12.12.2025, 13:09
- 13,326
Крэмль не гатовы прыняць нават базавы варыянт амерыканскага плана.
Расійскі міністр замежных спраў Сяргей Лаўроў фактычна адхіліў сем ключавых пунктаў прапанаванага ЗША 28-пунктавага мірнага плана па ўрэгуляванні вайны Расіі супраць Украіны.
Пра гэта піша амерыканскі Інстытут вывучэння вайны (ISW). Аналітыкі адзначылі, што гаворка ідзе пра наступныя пункты:
замарозка лініі фронту ў Запарожскай і Херсонскай абласцях;
перазапуск Запарожскай АЭС пад кантролем МАГАТЭ, а не Расіі;
спыненне далейшага пашырэння НАТА без патрабавання вяртання да межаў 1997 года;
дазвол на размяшчэнне еўрапейскіх знішчальнікаў у Польшчы;
прадастаўленне Украіне надзейных гарантый бяспекі;
пацверджанне суверэнітэту Украіны;
ўкараненне нормаў ЕС па абароне рэлігійных меншасцяў.
Лаўроў прапанаваў ЗША і НАТА расійскія ўльтыматумы снежня 2021 года як аснову гарантый бяспекі для Расіі. Гэтыя ўльтыматумы прадугледжваюць умовы, якія могуць падарваць існуючую структуру НАТА, напрыклад, абмежаванне разгортвання сіл і ўзбраенняў у краінах, што далучыліся да альянсу пасля 1997 года.
«Заявы Лаўрова ад 11 снежня сведчаць, што Крэмль не жадае прыняць першапачатковы 28-пунктавы мірны план, але Расія будзе патрабаваць далейшых змяненняў, калі Украіна пагодзіцца на яго», — гаворыцца ў паведамленні ISW.
Аналітыкі таксама падкрэслілі, што пазіцыя Крамля адносна мірных перамоваў не змянілася ў 2025 годзе, а прэзідэнт РФ Уладзімір Пуцін раней заяўляў, што Расія не збіраецца «нікому саступаць» ці «аддаваць» анексаваныя тэрыторыі.
Лаўроў адначасова заявіў пра нібыта вырашэнне ўсіх «непаразуменняў» з ЗША пасля сустрэчы Пуціна з пасланнікам ЗША Стывам Уіткафам.
«Зараз, тут, на нашых перамовах з амерыканцамі па ўкраінскім пытанні, я асабіста лічу, што непаразуменні і недагаворкі вырашаныя», — сказаў Лаўроў.
Ён таксама падкрэсліў, што Расія імкнецца да ўзгаднення пакета дакументаў для падтрымання доўгатэрміновага і ўстойлівага міру з гарантыямі бяспекі для ўсіх задзейнічаных бакоў.
«Мы перадалі нашым амерыканскім калегам дадатковыя прапановы па гарантыях калектыўнай бяспекі. Мы разумеем, што, абмяркоўваючы гарантыі бяспекі, не можам абмяжоўвацца толькі Украінай», — дадаў ён.
Нягледзячы на заявы Лаўрова пра «прагрэс у перамовах», аналітыкі ISW адзначылі, што расійскія чыноўнікі працягваюць перабольшваць поспехі на полі бою, каб стварыць уражанне непазбежнага краху ўкраінскай абароны і ціснуць на Захад і Кіеў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
