Расіяне не змаглі скапіяваць украінскія дроны

Уласныя «гексакоптары» арміі РФ аказаліся поўным правалам.

Расійская прамысловасць так і не змагла наладзіць масавую вытворчасць уласных цяжкіх дронаў-гексакоптараў, якія ЗСУ паспяхова выкарыстоўваюць на працягу большай часткі вайны. Пра гэта ў сваім блогу ў Telegram піша старшы лейтэнант Сіл абароны Украіны з пазыўным «Алекс».

Ён адзначыў, што намінальна такія дроны ў расіян ёсць, і вораг ужо больш за год актыўна хваліцца нібыта паспяховым іх прымяненнем на розных напрамках. Аднак, як часта бывае ў расіян, у гэтых заявах пустой прапаганды больш, чым фактаў.

«Сапраўды, з канца 2024-га праціўнік пачаў актыўна вырабляць БПЛА гексакоптарнага тыпу, аднак пра паспяховае іх прымяненне гаворкі нават не ідзе, бо ўсе ўзоры аказаліся правальнымі, і пакуль няма ніводнага ўдалага вырабу, пастаўленага ў серыю», — піша «Алекс».

Паводле слоў украінскага афіцэра, расіяне актыўна выкарыстоўваюць трафейныя ўкраінскія дроны тыпу «Вампір»: іх рамантуюць і перапрашываюць.

«У выніку такіх трафейных бортаў у іх на службе больш, чым узораў уласнай вытворчасці; нават ва ўсіх метадычках і перахопах яны яго так і называюць — «Вампір», — піша афіцэр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]