Апублікаваныя спадарожнікавыя здымкі ўдару па базе «шахедаў» у Данецку

ЗСУ зраўнялі з зямлёй склады расійскіх дронаў.

У выніку ўдару 5 лістапада па базе, дзе расійскія акупанты захоўвалі, камплектавалі і запускалі «шахеды», адзін са складаў знішчаны поўнасцю.

Такія высновы ў нядзелю, 9 лістапада, агучыў OSINT-праект Dnipro Osint, абапіраючыся на спадарожнікавы здымак.

«Поўнасцю знішчаны адзін са складаў, другі таксама атрымаў пашкоджанні», — гаворыцца ў апісанні да здымка.

Паведамляецца, што спадарожнік зафіксаваў «вынікі атакі беспілотнікамі FP-2 па складах баявых частак шахедаў на тэрыторыі Данецкага аэрапорта» (ДАП) у часова акупаваным расіянамі Данецку.

Раней, 6 лістапада, у OSINT-праекце, каментуючы атаку, адзначылі, што ўдар Сіл абароны па базе «шахедаў» 5 лістапада «у цэлым вельмі выніковы».

«Схіляюся да таго, што знішчана каля 500 баявых частак, але гэта таксама вельмі шмат, асабліва для адной кропкі», — рэзюмаваў аналітык праекта.

Блогер і журналіст Дзяніс Казанскі напісаў, што ў Данецку зафіксаваны ракетны ўдар па вялікім складзе боепрыпасаў. «Наймацнейшы выбух, магутная ўдарная хваля і другасныя дэтанацыі», — адзначыў ён.

У чацвер, 6 лістапада, камандуючы Сіл Беспілотных Сістэм (СБС) Роберт Мадзяр Броўдзі заявіў, што ўкраінскія абаронцы знішчылі базу, дзе расійскія акупанты захоўвалі, камплектавалі і запускалі «шахеды». Яна знаходзілася на тэрыторыі ДАП.

💥У часова акупаваным Данецку прагучалі выбухі, прыляцела па складзе боепрыпасаў.

Паведамляецца, што пасля выбухаў у выніку дэтанацыі ўзнік пажар pic.twitter.com/lMRJM5ksTW

— NV (@tweetsNV) 5 лістапада 2025

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]