У Беларусі актывізаваліся ёлачныя махляры

Напярэдадні святаў махляры зноў палююць на давярлівых беларусаў.

Некаторыя беларусы ўжо пачынаюць рыхтавацца да Новага года, і гэтым карыстаюцца тыя, хто імкнецца зарабіць няcумленным шляхам. Ад такіх махляроў пацярпела 35‑гадовая жыхарка Брэсцкай вобласці, паведамляе прэс-служба ГУУС Мінгарвыканкама.

Жанчына ў адной з сацсетак пабачыла рэкламу навагодніх ёлак. Прыгожыя штучныя ёлкі прадаваліся з 50-працэнтнай зніжкай і бясплатнай дастаўкай. Старонка не выклікала ніякіх падазрэнняў: якасныя фота, відэаагляды і апісанні тавару, станоўчыя водгукі — усё вельмі пераканаўча.

Пакупніца напісала прадаўцу і даведалася, што для зніжкі трэба цалкам аплаціць заказ наперад. Яна пагадзілася і папрасіла сястру з Мінска пералічыць на ўказаны рахунак 410 рублёў.

Што было далей, лёгка здагадацца. У прызначаны дзень тавар так і не даставілі. У краме паабяцалі, што «ўдакладзяць і адкажуць», але на працягу тыдня ніхто кліентцы так і не напісаў. А неўзабаве старонку выдалілі з сацсеткі.

Зразумеўшы, што яе падманулі, жанчына звярнулася ў міліцыю, цяпер праводзіцца праверка.

Міліцыянеры нагадваюць, што не варта давяраць прапановам у інтэрнэце з занадта нізкай цаной і аплачваць падобныя тавары наперад.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]