На беразе Смалявіцкага вадасховішча заўважылі дзіўную белую пену

Мінпрыроды адказала, што з вадой.

Міністэрства прыродных рэсурсаў і аховы навакольнага асяроддзя Беларусі заявіла, што праверыла стан вады ў Смалявіцкім вадасховішчы пасля з’яўлення відэа ў TikTok. У Мінпрыроды запэўнілі, што вадаём не забруджаны, а стан вады адпавядае «сезоннай норме», піша «Тэлеграф».

«Паводле вынікаў праверкі, праведзенай раённай інспекцыяй прыродных рэсурсаў і аховы навакольнага асяроддзя, фактаў забруджвання або скіду старонніх рэчываў у вадаём не ўстаноўлена», — заявілі ў ведамстве.

Там патлумачылі, што абільная пена на беразе вадасховішча «мае натуральную прыроду» і з’явілася з-за актыўнага раскладання воднай расліннасці (вадорасцей) у восеньскі перыяд.

«У выніку… выдзяляюцца арганічныя рэчывы, што садзейнічаюць утварэнню пены пры змешванні вады з паветрам», — сцвярджаюць у Мінпрыроды.

Раней у сацсетках з’явілася відэа, на якім відаць, як на беразе Смалявіцкага вадасховішча скапілася абільная белая пена.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]