ЗСУ ліквідавалі расійскага «маніяка з самым нізкім IQ»

Яго асудзілі за забойства дзяўчынкі.

На вайне ва Украіне быў ліквідаваны асуджаны за забойства і згвалтаванне дзевяцігадовай дзяўчынкі ў удмурцкай вёсцы Шаркан Рудольф Варламаў. Пра гэта паведамляе расійскае прапагандысцкае агенцтва «Рэгнум».

Паводле інфармацыі журналістаў, многія жыхары Шаркана лічылі Варламава невінаватым, называючы яго «маніякам з самым нізкім IQ» і мяркуючы, што пакаранне ён панёс за іншага чалавека.

Пасля вызвалення Варламаў павінен быў да 2032 года рэгулярна адзначацца ў паліцыі і выконваць абмежаванні, у тым ліку не наведваць адукацыйныя ўстановы. Аднак, паводле слоў ягонай сястры Кацярыны, вясной 2025 года ён прыняў рашэнне адправіцца ў зону «спецыяльнай ваеннай аперацыі».

Яна распавяла, што Варламаў маральна цяжка пераносіў тое, што на яго павесілі забойства і згвалтаванне.

«У маі ён загінуў», — сказала Кацярына.

Паводле яе слоў, Варламаў меў баявы досвед, удзельнічаў у першай чачэнскай кампаніі і заключыў кантракт. Сястра мае намер дамагчыся перагляду справы і зняцця судзімасці з брата, а таксама пошуку сапраўднага злачынца. Мясцовыя жыхары сцвярджаюць, што імя вінаватага вядома, аднак яго бацька займаў высокую пасаду, што, на іх думку, дазволіла пазбегнуць пакарання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]