Нямецкі дырыжор атрымаў ордэн ад Пуціна і выклікаў гнеў у Берліне
13- 6.11.2025, 17:17
- 6,328
Юстуса Франца ўжо не ўпершыню крытыкуюць за яго погляды.
У Германіі разгарэўся палітычны скандал пасля таго, як вядомы дырыжор і піяніст Юстус Франц прыехаў у Маскву, каб атрымаць Ордэн Дружбы з рук Пуціна. Рашэнне музыканта прыняць узнагароду расійскага лідара, які вядзе вайну супраць Украіны, выклікала рэзкае асуджэнне ў Берліне, піша Politico (пераклад — сайт Charter97.org).
Дэпутат ад Хрысціянска-дэмакратычнага саюза Роланд Тайс заявіў у каментары, што прэзідэнт Германіі Франк-Вальтэр Штайнмаер павінен пазбавіць Франца Федэральнага крыжа «За заслугі». Паводле яго слоў, чалавек, які «становіцца побач з дыктатарам, што вядзе гібрыдную агрэсію супраць нашай краіны», не можа заставацца кавалерам найвышэйшай дзяржаўнай узнагароды.
Пуцін узнагародзіў 81-гадовага музыканта ў аўторак, адзначыўшы яго «шматгадовы ўклад у развіццё культурных сувязяў і ўзаемнае ўзбагачэнне паміж Расіяй і Федэратыўнай Рэспублікай Германія».
Франца ўжо не ўпершыню крытыкуюць за яго погляды. У лютым 2023 года ён падпісаў «Маніфест за мір» — петыцыю, створаную нямецкай палітык Сарай Вагенкнехт з заклікам да перамоваў з Расіяй. Дакумент выклікаў рэзананс у Германіі і неадназначныя ацэнкі.
Паводле інфармацыі з яго афіцыйнага сайта, Юстус Франц выступаў з вядучымі філарманічнымі аркестрамі свету — берлінскімі, нью-ёркскімі і венскімі, а таксама з лёнданскім сімфанічным аркестрам. Паведамляецца, што ён з'яўляецца прыхільнікам рускіх класікаў Пятра Чайкоўскага і Сяргея Рахманінава.
Сітуацыя працягвае выклікаць грамадскае абурэнне ў Германіі, дзе пытанне культурных сувязяў з Расіяй застаецца надзвычай адчувальным ва ўмовах вайны, што працягваецца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
