Украінец, якога абвінавачваюць у падрыве «Паўночных патокаў», абвясціў у Італіі галадоўку
2- 4.11.2025, 22:52
- 3,784
Сяргея Кузняцова ўтрымліваюць у турме строгага рэжыму.
Грамадзянін Украіны Сяргей Кузняцоў, якога падазраюць ва ўдзеле ў падрыве газаправодаў «Паўночнага патоку», абвясціў галадоўку ў італьянскай турме.
Пра гэта паведаміў упаўнаважаны Вярхоўнай Рады па правах чалавека Дзмітрый Лубінец.
Паводле яго слоў, ад адваката стала вядома, што Кузняцова ўтрымліваюць у турме строгага рэжыму без забеспячэння належных санітарных умоў, доступу да дыетычнага харчавання, інфармацыі і магчымасці кантактаў з сям'ёй.
Лубінец падкрэсліў, што такія абставіны непрымальныя і супярэчаць Канвенцыі аб абароне правоў чалавека і асноўных свабод.
«Хачу нагадаць, што польскі суд нядаўна апраўдаў іншага грамадзяніна Украіны, якога абвінавачвалі па аналагічных абставінах у справе «Паўночных патокаў». Гэта рашэнне пацвярджае адсутнасць належнай доказнай базы ў падобных абвінавачаннях і павінна быць улічана судамі іншых дзяржаў-членаў ЕС», — адзначыў ён.
Лубінец таксама паведаміў, што звярнуўся да амбудсмена ў Італіі і рэгіёна Лацыё Марыно Фардэлі з просьбай забяспечыць выкананне базавых правоў і належных умоў утрымання ўкраінца.
Заўтра прадстаўнікі ўкраінскага консульства і офіса амбудсмена прыбудуць у месца ўтрымання Кузняцова, каб праверыць умовы ўтрымання, стан здароўя і аказаць неабходную падтрымку.
«Украіна заўсёды абараняе сваіх грамадзян — незалежна ад таго, дзе яны знаходзяцца», — падкрэсліў амбудсмен.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
