Нарвегія выдзеліць $7 мільярдаў на абарону Украіны

Таксама Кіеў і Осла разгорнуць сумесную абаронную вытворчасць на тэрыторыі Украіны.

Нарвегія ў наступным годзе выдзеліць Украіне сем мільярдаў долараў на абаронныя патрэбы. Таксама Украіна і Нарвегія разгорнуць сумесную абаронную вытворчасць на тэрыторыі Украіны.

Пра гэта паведамляе Charter97.org са спасылкай на паведамленне міністра абароны Украіны Дзяніса Шмыгаля.

Шмыгаль паведаміў, што падчас працоўнага візіту ў Нарвегію сустрэўся са сваім калегам Турэ Сандвікам і атрымаў запрашэнне на сустрэчу міністраў абароны Аб’яднаных экспедыцыйных сіл (JEF). Украіна ўпершыню возьме ўдзел у такім фармаце.

Таксама па выніках сустрэчы падпісана некалькі дакументаў:

мемарандум аб адзіных стандартах якасці абароннай прадукцыі, вырабленай або пастаўленай у межах сумесных пагадненняў паміж дзяржавамі;

мемарандум аб стварэнні сумеснага абароннага прадпрыемства ва Украіне сіламі ўкраінскай і нарвежскай кампаній.

«Абмеркавалі з калегам прыярытэтныя патрэбы ЗСУ і ўзмацненне супрацьпаветранай абароны. Украіна гатовая дзяліцца досведам у супрацьдзеянні варожым дронам», — адзначыў міністр.

Шмыгаль дадаў, што Сандвік са свайго боку пацвердзіў далейшую падтрымку Украіны. Нарвегія ў наступным годзе выдзеліць сем мільярдаў долараў, каб дапамагчы Украіне забяспечыць абаронныя патрэбы.

«Удзячны ўраду і народу Нарвегіі за істотны ўнёсак, прадастаўленне F-16 і падтрымку ўкраінскай авіяцыі, за ўдзел у ініцыятыве PURL і ў Кааліцыі марскіх магчымасцяў», — рэзюмаваў Шмыгаль.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]