У Беларусі дзецям выпісваюць штрафы за пратэрмінаваныя пашпарты

Непаўналетнім рассылаюць лісты.

Не толькі дарослым, але і дзецям, у якіх скончыўся тэрмін дзеяння пашпартоў, міліцыя пачала рассылаць паведамленні пра неабходнасць атрымаць новы дакумент. Як мінімум пра адзін такі выпадак у Гомельскай вобласці стала вядома «Флагштоку».

Пры гэтым у паведамленнях утрымліваецца папярэджанне пра тое, што «за пражыванне без дакументаў, якія пацвярджаюць асобу, альбо па несапраўдных дакументах, якія пацвярджаюць асобу, часткай 3 артыкула 24.33 КаАП Рэспублікі Беларусь прадугледжана адміністрацыйная адказнасць».

Сапраўды, за парушэнне гэтага пункта ў Кодэксе аб адміністрацыйных правапарушэннях прапісана накладанне штрафу ў памеры да чатырох базавых велічынь (да 168 рублёў).

У лістах з РАУС гаворыцца пра тое, што непаўналетняму «неабходна тэрмінова звярнуцца» ў адпаведныя службы для атрымання новага пашпарта або ідэнтыфікацыйнай карты.

Асобна ў паведамленнях звяртаюцца да эмігрантаў: «У выпадку адсутнасці на тэрыторыі Рэспублікі Беларусь і пражывання ў іншай дзяржаве — просім паведаміць па тэлефоне».

Чым абернецца такі званок у міліцыю для тых, хто знаходзіцца за мяжой, невядома. Ёсць верагоднасць, што ў гэтым выпадку эмігранта штрафаваць не будуць, але магчымыя іншыя негатыўныя наступствы, адзначае «Флагшток».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]