Японія наносіць удар па Крэмлі
- Анатоль Уласюк
- 4.11.2025, 10:32
- 11,188
Уплыў Расіі ў рэгіёне скарачаецца.
Пуцін не хутка сустрэнецца з новай прэм’ер-міністаркай Японіі: Такаіці Санаэ мае чорны пояс па каратэ. А калі сур’ёзна, з яе прыходам да ўлады (першая жанчына на такой пасадзе ў гісторыі краіны) чакаецца нямала змен у падыходах да Расіі.
Крэмль імкнецца пазбегнуць новых падыходаў Японіі, таму звяртаецца да фальсіфікацый у трактаванні ініцыятыў Такаіці Санаэ. У прыватнасці, ідзе гаворка пра тэрыторыі, якія калісьці належалі Японіі, а Расія іх прысвоіла.
Прэм’ер-міністарка толькі пацвердзіла тое, што казалі да яе іншыя кіраўнікі дзяржавы, а менавіта: заключэнне мірнай дамовы з Расіяй магчыма толькі пасля вырашэння тэрытарыяльнага пытання. Затое ў Маскве гэта пракаментавалі так, быццам Такаіці Санаэ нібыта заявіла «пра намеры заключыць мірную дамову з Расіяй». Адчуваеце розніцу ў трактаванні?
Непакой у Расіі выклікае намер урада Японіі стварыць новае нацыянальнае разведвальнае ўпраўленне, якое будзе значна больш эфектыўна супрацьдзейнічаць варожым намерам не толькі Расіі, але і Кітая і Паўночнай Карэі.
У Крэмлі таксама занепакоеныя супрацоўніцтвам Японіі і Паўднёвай Карэі з Узбекістанам, які дагэтуль лічыўся вотчынай Расіі. У Ташкенце пачалося будаўніцтва новага аэрапорта, які павінен стаць ключавым авіяцыйным хабам Цэнтральнай Азіі. Акрамя таго, японцы развіваюць уранавую здабычу, фінансуюць праекты ў сферы энергетыкі, інфраструктуры і тэкстылю.
Варта таксама згадаць пра нарошчванне ваеннага супрацоўніцтва Японіі з Філіпінамі і В’етнамам, да якіх прыкавана ўвага Расіі.
Уплыў Расіі ў рэгіёне скарачаецца. Не апошнюю ролю ў гэтым адыграе Японія.
Анатоль Уласюк, «Обозреватель».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
