Пхеньян запусціў ракеты ў бок Паўднёвай Карэі падчас візіту Хегсета

Кіраўнік Пентагона ўпершыню за восем гадоў наведаў мяжу дзвюх Карэй.

Паўночная Карэя зрабіла некалькі запускаў артылерыйскіх ракет менш чым за гадзіну да прыбыцця кіраўніка Пентагона Піта Хегсета у дэмілітарызаваную зону на мяжы з Паўднёвай Карэяй, піша Younhap са спасылкай на паўднёвакарэйскіх вайскоўцаў.

Паводле інфармацыі Аб’яднанага камітэта начальнікаў штабоў, КНДР запусціла ракеты ў бок вод паўночнай часткі Жоўтага мора каля 16:00 (10:00 па Мінску) у панядзелак, 3 лістапада.

У гэты дзень кіраўнік Пентагона ўпершыню за восем гадоў наведаў мяжу дзвюх Карэй. Ён з’ездзіў разам з кіраўніком Мінабароны Паўднёвай Карэі Ан Гю Бакам у дэмілітарызаваную зону на мяжы з КНДР.

Дэмілітарызаваная зона даўжынёй 250 км і шырынёй 4 км з’яўляецца буфернай зонай паміж дзвюма Карэямі. Тэхнічна бакі застаюцца ў стане вайны, паколькі Карэйская вайна 1950–53 гадоў скончылася перамір’ем, а не мірнай дамовай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]