У Іраку археолагі выявілі старажытны храм узростам больш за 5000 гадоў

Знаходка можа змяніць уяўленні вучоных пра ўзнікненне першых гарадоў свету.

Манументальная пабудова аказалася пахаванай пад зямлёй на археалагічным участку Кані-Шайе ў паўночнай частцы правінцыі Сулейманія, ля падножжа гор Загрос на поўначы Ірака, паведамляе Live Science.

«Калі манументальны характар дадзенай пабудовы пацвердзіцца, над чым мы цяпер і працуем, адкрыццё можа перавярнуць наша разуменне Урука і рэгіёнаў, што акружалі гэты горад», — кажуць аўтары адкрыцця.

Паводле слоў археолагаў, пабудову ўзвялі прыкладна ў 3300–3100 гг. да н. э.

У старажытным Уруку жыло 80 тыс. чалавек, а сам горад займаў плошчу да 400 гектараў. У горадзе існавала сістэма вуліц і зон рознага прызначэння, такіх як адміністрацыйныя і жылыя кварталы.

Кіраўнікі раскопак кажуць, што пабудову знайшлі ў верхняй частцы зямлянага кургана Кані-Шайе. Архітэктурны стыль будынка сведчыць, што гэта быў афіцыйны аб’ект. У прыватнасці, вучоныя лічаць, што гэта была «культавая прастора» або храм для пакланення.

На месцы раскопак таксама былі знойдзеныя фрагменты залатой падвескі, якая магла быць сімвалам «сацыяльнай дэманстрацыі» багацця ў супольнасці. Археолагі знайшлі і цыліндрычныя пячаткі перыяду Урука, якія былі звязаныя з адміністрацыяй і палітычнай уладай.

Каманда таксама знайшла старажытныя дэкаратыўныя ўпрыгожанні з абпаленай гліны ў выглядзе конусаў, з дапамогай якіх упрыгожвалі тынкоўку на сценах. Потым узор размалёўвалі, ствараючы на сцяне мазаічны эфект. Найчасцей гэта былі геаметрычныя ўзоры, такія як трыкутнікі і зігзагі.

Такія ўпрыгожанні на сценах, паводле слоў археолагаў, служаць яшчэ адным доказам таго, што будынак быў грамадскім або цырымоніяльным збудаваннем.

Менавіта ў Уруку ўпершыню з’явілася форма будаўніцтва ў выглядзе «зікурата», якая пазней выкарыстоўвалася пры будаўніцтве храмаў цывілізацыямі Месапатаміі. Таксама Урук мог быць першым месцам, дзе жрацы пачалі насіць асаблівыя ўбранні і выкарыстоўваць рэлігійную іканаграфію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]