Politico: У ЗША разглядаюць варыянты, што рабіць з «сябрам Лукашэнкі» пасля звяржэння рэжыму

Нікаласу Мадуру могуць дазволіць збегчы ў РФ.

Прадстаўнікі адміністрацыі ЗША абмяркоўваюць магчымыя варыянты, куды накіраваць у выгнанне дыктатара Венесуэлы Нікаласа Мадуры і яго найбліжэйшых паплечнікаў, паведамляе Politico са спасылкай на прадстаўнікоў адміністрацыі.

Гаворка, у прыватнасці, пра Турцыю, Расію, Азербайджан і Кубу.

Паводле слоў амерыканскага чыноўніка і двух іншых крыніц, знаёмых з ходам абмеркаванняў, адна з ідэй, якую разглядаюць памочнікі прэзідэнта Дональда Трампа, заключаецца ў тым, каб забяспечыць Мадура і яго набліжаным бяспечны выезд у іншую краіну.

Іншыя памочнікі прапануюць арыштаваць Мадура і аддаць яго пад суд у ЗША, паведаміла трэцяя крыніца, знаёмая з ходам перамоваў.

Некаторыя таксама спадзяюцца, што пагрозы ваенных дзеянняў з боку ЗША ў межах барацьбы з наркакартэлямі выклічуць хаос і прывядуць да таго, што Мадура страціць уладу.

Акрамя таго, абмяркоўваецца магчымасць прыцягнення прыватных ахоўных фірмаў з трэціх краін. Паводле слоў крыніц, гэтыя фірмы паслужаць першапачатковай аховай кіраўніцтва, якое прыйдзе на змену Мадуру.

Як паведамляе агенцтва, некалькі чалавек абмяркоўваюць гэтую тэму ў розных ведамствах ЗША: Дзярждэпартаменце, Мінэнерга, Мінфіне, Мінюсце, Мінабароны і іншых. Некаторыя звяртаюцца да былых амерыканскіх чыноўнікаў і незалежных аналітыкаў.

Яшчэ адна крыніца паведаміла Politico, што ЗША падтрымліваюць сувязь не толькі з апазіцыяй у Венесуэле, але і з іншымі людзьмі ўнутры краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]