Сікорскі распавёў, калі Украіна можа ўступіць у ЕС

Украіна ўжо прайшла важны этап.

Украіна мае шанец далучыцца да Еўрапейскага саюза на пачатку 2030-х гадоў. Пра гэта Polsat News заявіў віцэ-прэм’ер і міністр замежных спраў Польшчы Радаслаў Сікорскі.

Па словах Сікорскага, нягледзячы на блакаванне з боку Венгрыі, Украіна ўжо прайшла важны этап — атрымала статус краіны-кандыдата.

— Украіна стане сябрам ЕС на пачатку наступнага дзесяцігоддзя, — ацаніў ён.

У той жа час Сікорскі падкрэсліў, што ключавой умовай уступу Украіны ў Еўрапейскі саюз застаецца барацьба з карупцыяй.

— Калі Украіна будзе трываць карупцыю, то ў Еўрапейскі саюз яна не ўступіць. ЕС патрабуе сумленнасці, захавання працэдур, — сказаў ён.

Палітык дадаў, што цяперашнія карупцыйныя скандалы ва Украіне з’яўляюцца сур’ёзным сігналам, які Кіеў павінен улічыць на шляху да еўрапейскай інтэграцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]