Дзесяткі выбухаў і яркае зарыва: дроны атакавалі НПЗ у Разані

Гэта адзін са стратэгічных заводаў Расіі.

Уначы на 15 лістапада беспілотнікі масіравана атакавалі Разанскую вобласць Расіі. У горадзе абвяшчалі паветраную трывогу, мясцовыя чулі выбухі і бачылі пажар.

У прыватнасці, каля 04:00 пачалася атака на нафтаперапрацоўчы завод. Мясцовыя жыхары паведамлялі пра больш за 10 выбухаў.

Пазней у сеціве з’явіліся фота і відэа НПЗ, ахопленага агнём.

У прыватнасці, кадры атакі апублікаваў тэлеграм-канал «Supernova+».

Жаночы голас за кадрам лічыць колькасць выбухаў і дзівіцца, чаму не спрацоўвае расійская СПА.

«Зноў нас бомбяць. І яшчэ раз! Куды СПА глядзіць, я не разумею. І яшчэ раз. Чатыры разы ўжо. Я не разумею, што адбываецца», — каментуе жанчына, здымаючы відэа пападанняў дронаў у НПЗ у Разані.

Зараз маштаб нанесеных пашкоджанняў расійскаму нафтаперапрацоўчаму заводу невядомы.

Губернатар Разанскай вобласці Павел Малкоў не каментаваў удар па рэгіёне.

На момант публікацыі матэрыялу ўкраінскі бок таксама не падаў ніякай інфармацыі пра атаку на НПЗ у Разані.

Варта адзначыць, што Разанскі НПЗ належыць «Раснафце». Гэта адзін са стратэгічных заводаў акупантаў, які, у прыватнасці, вырабляе авіяцыйнае паліва для вайсковых самалётаў. Ён таксама важны для паліўнага забеспячэння Маскоўскага рэгіёна і іншых абласцей. Штогадовая магутнасць перапрацоўкі складае 17,1 мільёна тон нафты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]