Трамп зрабіў важную заяву пра ядзерныя выпрабаванні
3- 15.11.2025, 8:35
- 4,426
ЗША — нумар адзін у свеце.
Прэзідэнт ЗША Дональд Трамп заявіў, што Злучаныя Штаты «давольна хутка» правядуць выпрабаванні ядзернай зброі. У той жа час Вашынгтон выступае за дэнуклеарызацыю.
Пра гэта паведамляецца ў трансляцыі Белага дома.
Падчас зносін з прэсай у Трампа спыталі, ці ёсць у яго нейкія сустрэчы з нагоды занепакоенасці, звязанай з ядзернымі выпрабаваннямі. У адказ лідар ЗША сказаў наступнае:
«У нас будуць ядзерныя выпрабаванні, таму што іншыя краіны іх праводзяць. Ёсць краіны, якія праводзяць. У нас больш ядзернай зброі, чым у любой іншай краіны. Я той, хто яе мадэрнізаваў і пабудаваў яе частку, і я ненавідзеў гэта рабіць, але выбару не было, бо яна ёсць у іншых», — заявіў Трамп.
Таксама ён зноў адзначыў, што ЗША — лідар у сферы ядзернай зброі, на другім месцы Расія, і далёка на трэцім — Кітай. Але ён падкрэсліў, што Пекін праз 4–5 гадоў зраўняецца з Вашынгтонам. Паводле слоў Трампа, ён хацеў бы дэнуклеарызацыі.
«Я хацеў бы правесці дэнуклеарызацыю. То бок правесці сустрэчу, у першую чаргу тройкі лідараў, каб скараціць ядзерную зброю. Гэта была б выдатная рэч», — дадаў кіраўнік Белага дома.
На ўдакладняльнае пытанне, наколькі хутка могуць прайсці выпрабаванні, прэзідэнт ЗША адказаў: «Давольна хутка».
«Мы нумар адзін. Расія — нумар два. Кітай — нумар тры. Яны нас даганяюць. Пакуль яны далёка ззаду нас, але дагоняць за чатыры–пяць гадоў. Думаю, найлепшым было б правесці дэнуклеарызацыю», — падсумаваў Трамп.
Таксама шэраг СМІ пішуць, што ў Трампа падчас размовы ўдакладнялі, ці будзе падчас выпрабаванняў ажыццёўлены выбух ядзернай баягалоўкі, на што ён адказу не даў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
