Беларуска знайшла кліпсу ў каўбасе «Агракамбіната Сноў»

Што адказаў вытворца.

Жыхарка Стоўбцаў выявіла металічную кліпсу ў каўбасе СПК «Агракамбінат Сноў». Пра гэта яна распавяла ў відэа ў TikTok. Інцыдэнт пракаментавалі на прадпрыемстве, перадае «Зеркало».

Аўтарка відэа распавяла, што каўбасу яна набыла ў Стоўбцах, у краме «Сноў».

— І глядзіце, які сюрпрыз у каўбасе. Не ведаю, для чаго гэта дададзена: для смаку ці чаго? Ну вось, хай сноўскі агракамбінат паглядзіць, што ў іх унутры каўбасы. Добра, што гэта трапілася мне, а не дзіцяці. Будзьце цяпер уважлівыя, перш чым наразаць і есці каўбасу вытворчасці «Агракамбіната Сноў», — падзялілася жанчына.

На прадпрыемстве дзяржаўнай газеце «Мінская праўда» распавялі, што афіцыйных скаргаў на якасць прадукцыі да іх не паступала:

— На відэа аўтарка не паказала чэк, у якім пазначана, калі, дзе і якая прадукцыя была набытая. Таксама не відаць зрэзу з самога вырабу. Афіцыйнага запыту з прэтэнзіяй да якасці тавара нам не паступала. У нас ёсць сайт, праз які пакупнікі могуць звярнуцца са скаргай. Пасля гэтага мы разам з камісіяй выязджаем у краму, правяраем па камерах, калі і якая прадукцыя была набытая, забіраем яе, правяраем у лабараторыі і праводзім уласнае расследаванне. І даём афіцыйны адказ, — пракаментавалі сітуацыю ў «Агракамбінате Сноў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]