МЗС Украіны патлумачыла, чаму не закрывае пасольства ў Беларусі

Кіеў лічыць гэта спосабам стрымаць Лукашэнку ад прамога ўдзелу ў вайне.

Міністэрства замежных спраў Украіны паведаміла ў адказ на запыт выдання Liga.net, што дыпламатычная місія ў Мінску працягвае працаваць, каб знізіць рызыку далейшага ўцягвання Беларусі ў вайну на баку Расіі, а таксама дапамагаць грамадзянам Украіны, якія знаходзяцца на тэрыторыі Беларусі і Расіі.

Сярод галоўных задач пасольства Украіны — кансульская дапамога і абарона украінцаў, садзейнічанне вяртанню незаконна вывезеных дзяцей з акупаваных тэрыторый, а таксама праца з іншымі замежнымі дыпламатычнымі місіямі адносна парушэння Расіяй міжнароднага гуманітарнага права і ўдзелу Беларусі ў гэтых дзеяннях.

У МЗС Украіны адзначылі, што пасольства дзейнічае ў складаных умовах — на фоне збліжэння Мінска і Масквы ў рамках «саюзнай дзяржавы» і актыўнага ваенна-тэхнічнага, эканамічнага і культурнага супрацоўніцтва паміж імі.

Пры гэтым ваенны аташэ Украіны ў Беларусі цяпер не працуе.

Акрамя таго, ведамства паведаміла Liga.net, што паводле неафіцыйнай інфармацыі ў Беларусі цяпер знаходзіцца каля 200 тысяч грамадзян Украіны, але на консульскім уліку — толькі каля 7 тысяч. З пачатку года да сярэдзіны верасня пасольства пералічыла ў бюджэт Украіны каля 110 тысяч долараў за кансульскія паслугі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]