Каталіцкі Касцёл ЗША абраў новага лідара

І асудзіў палітыку дэпартацый Трампа.

Біскупы ЗША абралі новага лідара і заявілі пра прыярытэт абароны мігрантаў на фоне ўзмацнення дэпартацый.

Пра гэта паведамляе The New York Times.

На штогадовай сустрэчы ў Балтыморы амерыканскія рымска-каталіцкія біскупы абралі новага старшыню Канферэнцыі каталіцкіх біскупаў ЗША на фоне ўсё большых спрэчак адносна палітыкі дэпартацый і абароны правоў мігрантаў.

Так, новым прэзідэнтам арганізацыі стаў арцыбіскуп Аклахома-Сіці Пол С. Коклі, вядомы як кансерватыўны багаслоў і прыхільнік больш актыўнай пазіцыі ў сацыяльных пытаннях.

Віцэ-прэзідэнтам абраны біскуп Даніэль Э. Флорэс з Тэхаса, які шмат гадоў працуе з супольнасцямі на мяжы з Мексікай і паслядоўна выступае за падтрымку сем'яў імігрантаў.

Сустрэча стала першай у часы пантыфікату Папы Льва XIV, які нядаўна заклікаў амерыканскі каталіцкі Касцёл рашуча выступаць у абарону мігрантаў. Падчас пасяджэння біскупы адзначылі, што расце напружанне паміж евангельскім вучэннем пра любоў да бліжняга і больш жорсткімі палітычнымі крокамі, якія ажыццяўляе адміністрацыя Дональда Трампа у межах узмоцненай кампаніі па дэпартацыі.

Каталіцкія лідары заявілі, што непакояцца разлучэннямі ў сем'ях падчас іміграцыйных рэйдаў, абмежаваннем віз для духоўных асоб і выпадкамі, калі вернікі пазбягаюць наведвання імшы з-за страху затрыманняў.

Біскупы падрыхтавалі спецыяльны зварот па іміграцыйнай палітыцы — дакумент такога ўзроўню выдаецца вельмі рэдка і павінен засведчыць пазіцыю Касцёла на нацыянальным узроўні.

Нягледзячы на ўнутраныя рознагалоссі ў палітычных поглядах, падчас галасавання было прадэманстравана істотнае адзінства ў пытанні гуманнага стаўлення да мігрантаў. Новаабраны прэзідэнт канферэнцыі арцыбіскуп Коклі заявіў, што каталіцкі Касцёл і надалей будзе адстойваць «годнасць кожнай асобы, незалежна ад яе статусу або паходжання».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]