Трамп памілаваў паплечнікаў, якія спрабавалі сарваць выбары 2020 года

У спісе — дзясяткі рэспубліканскіх актывістаў.

Прэзідэнт ЗША Дональд Трамп падпісаў дакумент пра памілаванне шэрагу сваіх паплечнікаў, якія дапамагалі яму сарваць прэзідэнцкія выбары 2020 года. Сярод іх былыя саветнікі, адвакаты і дзеячы Рэспубліканскай партыі.

Адпаведны дакумент апублікаваў адвакат у пытаннях памілавання Міністэрства юстыцыі Эд Марцін. З яго вядома, што Трамп прадаставіў «поўнае, абсалютнае і безумоўнае» памілаванне людзям, якія адыгрывалі ролю ў спробах адмяніць вынікі галасавання. Сярод іх:

– Рудзі Джуліані, асабісты юрыст кіраўніка Белага дома, які дапамагаў аказваць ціск на заканадаўчыя органы штатаў, каб яны адхілілі перамогу Джо Байдэна;

– Марк Мідоўз, кіраўнік апарату Белага дома Трампа ў 2020 годзе;

– Джон Істман і Кенэт Чэсэбра, юрысты;

– Барыс Эпштэйн, даўні саветнік Трампа;

– Сідні Паўэл, юрыст.

Акрамя найбліжэйшых саветнікаў, прэзідэнт ЗША таксама памілаваў дзясяткі рэспубліканскіх актывістаў, якія падпісвалі дакументы, ілжыва заяўляючы пра свой статус электараў. Некаторыя з іх атрымалі абвінавачанні ў іншых штатах: Джорджыя, Арызона, Віскансін і Невада, дзе працягваюцца расследаванні спробаў паўплываць на вынікі выбараў 2020 года.

Памілаванні сімвалічныя, бо ніводнага з пералічаных у дакуменце людзей не абвінавацілі ў федэральных правапарушэннях. Таксама дакумент не датаваны, таму дакладная дата падпісання застаецца невядомай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]