Залужны папярэдзіў Захад аб мэтах Крэмля

Расія разглядае дыпламатыю не як дыялог.

Пасол Украіны ў Вялікабрытаніі, былы галоўнакамандуючы Узброеных Сіл Украіны Валерый Залужны заявіў, што расійская дыпламатыя з’яўляецца працягам ваенных намаганняў Крэмля.

У калонцы для The New York Post Залужны нагадаў, што пасля дзесяцігоддзяў службы ў войску ў 2019 годзе ён паступіў у Астрожскую акадэмію, каб вывучаць міжнародныя адносіны.

«Я думаў, што гэта стане для мяне перапынкам у вайне, але замест гэтага адкрыў для сябе іншае поле бітвы — дыпламатыю, дзе словы — зброя, а рашучасць — лінія фронту», — заявіў Залужны.

Ён таксама дадаў, што Расія разглядае дыпламатыю не як дыялог, а як натуральны працяг сваіх ваенных намаганняў.

«Расійскія перамоўшчыкі, як і яе генералы, змагаюцца да знямогі, заблытвання і раз’яднання. Іх мэта — не мір, а зацягванне; не кампраміс у пагоні за згодаю, а заваяванне праз падман», — удакладніў ён.

Залужны таксама падкрэсліў, што расійская дыпламатыя — гэта смертаносная сістэма зброі, успадкаваная ад СССР.

«Яна была распрацавана не для вырашэння канфліктаў, а для маніпулявання імі. Каб зразумець яе, трэба вывучыць яе стваральнікаў», — падсумаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]