Рэжым узяў у закладнікі літоўскія фуры

Іх перагоняць у пункт пропуску «Котлаўка».

У Беларусі скапілася больш за 1100 фур літоўскіх перавозчыкаў. Цяпер яны знаходзяцца пераважна на пад'ездзе да пунктаў пропуску «Каменны Лог» і «Беняконі», якія раней поўнацэнна працавалі. Аднак беларускім бокам «прынята рашэнне аб іх перамяшчэнні ў спецыяльна абсталяваныя месцы стаянкі» ў раёне пункта пропуску «Котлаўка». Сумежны літоўскі памежны пераход «Лаварышкес» зачынены з сакавіка 2024-га.

«З гуманітарных меркаванняў вадзіцелям прадастаўлена магчымасць пакінуць тэрыторыю Беларусі да месцаў свайго пастаяннага пражывання да прыняцця літоўскім бокам рашэння аб поўнамаштабным аднаўленні працы мяжы. Гатовы аказаць неабходнае садзейнічанне тым вадзіцелям, якія з тых або іншых прычын не могуць пакінуць тэрыторыю Беларусі», — гаворыцца ў заяве МЗС.

Там лічаць, што «усе дадатковыя выдаткі грузаперавозчыкаў, адпраўнікоў і атрымальнікаў грузаў у Літве, іншых дзяржавах Еўрапейскага саюза і за яго межамі выкліканыя выключна неабдуманымі, вальюнтарысцкімі і палітызаванымі дзеяннямі літоўскіх уладаў».

«Пры гэтым Беларусь пакідае за сабой права прымяніць у дачыненні да дадзеных транспартных сродкаў усе прадугледжаныя законам меры», — дадаецца ў заключэнні заявы.

Нагадаем, раніцай 8 лістапада дарадца прэм'ер-міністра Літвы Ігнас Дабравольскас паведаміў, што Беларусь адмовілася часова адкрыць памежны пункт пропуску на беларуска-літоўскай мяжы «Шальчынінкай» — з беларускага боку гэта Беняконі, каб выпусціць літоўскія грузавікі. У адказ Літва разглядае магчымасць абмежаваць перавозку беларускіх грузаў па чыгунцы, паведамляла літоўскае выданне LRT.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]