Другі энергаблок БелАЭС закрыюць да канца года

Што адбываецца?

На Беларускай атамнай электрастанцыі зноў пройдзе рамонт, паведамляе СТВ. Работы пачнуцца ў лістападзе і працягнуцца да канца года з магчымым «заходам» у студзень.

Пасля завяршэння гэтага рамонту возьмуцца і за першы энергаблок.

На ім спецыялісты правядуць капітальныя работы.

Планавы папераджальны рамонт (ППР) чакае другі энергаблок Беларускай АЭС. Гэтыя работы стануць другімі за час эксплуатацыі комплексу.

«У межах ППР найперш зробім частковую замену паліва», — расказаў пра планы на маючы адбыцца рамонт генеральны дырэктар БелАЭС Сяргей Бабовіч.

Абновяць амаль чвэрць паліва. Пасля энергаблок зноў вернуць да рэжыму стандартнай працы.

Праз некалькі тыдняў пасля запуску другога комплексу работы пройдуць і на першым блоку.

Для гэтага тэхналагічнага збудавання рамонт стане чацвёртым з моманту запуску.

«Улічваючы, што ў нас лічыцца 12-месячны цыкл, каля 11 месяцаў будзем знаходзіцца пад нагрузкай», — заўважыў Сяргей Бабовіч, распавядаючы пра працу БелАЭС.

Што да адходаў, то адпрацаванае ядзернае паліва будзе накіроўвацца на перапрацоўку ў Расію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]