Прэм'ер-міністр Францыі падаў у адстаўку

Ён займаў пасаду менш за месяц.

Прэм'ер-міністр Францыі Сэбасцьен Лекорню падаў у адстаўку, і прэзідэнт Эманюэль Макрон прыняў яе, паведамляюць французскія СМІ са спасылкай на Елісейскі палац.

У аўторак Лекорню павінен быў афіцыйна прадставіць у парламенце Францыі сфармаваны ўрад. Некалькі апазіцыйных партый заявілі, што не падтрымаюць кабінет Лекорню і ініцыююць вотум недаверу, бо фактычна адбылася толькі змена шыльды — у ўрадзе змянілася толькі трэць міністраў.

Пасля прызначэння Лекорню прэм'ер-міністрам Францыю ахапілі маштабныя пратэсты пад лозунгам «Заблакуем усё». Дэманстранты выступалі супраць эканамічнай палітыкі ўрада, у тым ліку праекта бюджэту, які прадугледжвае скарачэнне выдаткаў на сацыяльныя патрэбы.

39-гадовы Лекорню прабыў на пасадзе прэм'ер-міністра 27 дзён — гэта самы кароткі тэрмін у гісторыі Францыі. Ён узначаліў урад Францыі 9 верасня, стаўшы пятым прэм'ер-міністрам Францыі за два гады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]