The Economist: У расіян праблема

Украіна пачала выкарыстоўваць новыя крылатыя ракеты «Фламінга».

Украіна пачала выкарыстоўваць крылатыя ракеты FP-5 «Фламінга», якія могуць ляцець усяго ў 50 метрах над зямлёй, маюць далёкасць палёту больш за 3000 км і валодаюць велізарнай ударнай сілай дзякуючы баегалоўцы вагай 1150 кг.

Аб гэтым піша The Economist у матэрыяле, прысвечаным украінскім атакам на энергетычную інфраструктуру Расіі.

У артыкуле падкрэсліваецца, што калі «Фламінга» акажацца здольнай прарваць расійскую супрацьпаветраную абарону, гэта выведзе кампанію DeepStrike Украіны на новы ўзровень разбуральнай сілы. Далёкасць палёту ракеты дазваляе ёй падманваць СПА, пастаянна змяняючы вектары палёту да мэты.

The Economist таксама адзначае, што ў вытворчасці ракет «Фламінга» выкарыстоўваюцца перапрацаваныя турбавентылятарныя рухавікі савецкай эпохі, а выраб фюзеляжа з вугляроднага валакна займае ўсяго шэсць гадзін. У цяперашні час за дзень вырабляюць дзве-тры ракеты FP-5, аднак ужо да канца месяца гэтая колькасць павялічыцца да сямі. Кошт ракеты — каля $500 000. Для параўнання ў артыкуле прыводзіцца амерыканская ракета Tomahawk, якая каштуе ў чатыры разы даражэй, мае меншую далёкасць палёту і нясе значна меншую карысную нагрузку. Хоць, падкрэслівае The Economist, яна, верагодна, больш дакладная, і яе цяжэй збіць.

У той час як паветраная кампанія расіян у першую чаргу накіраваная на тэрарызацыю гарадоў, украінская кампанія засяроджана непасрэдна на здольнасці РФ весці вайну, піша аўтар публікацыі. І шкода, з якой сутыкаецца Масква, будзе толькі расці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]