Магутныя выбухі і пажары: Расія атакавала Кіеў балістыкай
4- 25.10.2025, 8:05
- 8,970
Ёсць разбурэнні і пацярпелыя.
У ноч на суботу, 25 кастрычніка, расійскія захопнікі атакавалі Кіеў балістычнымі ракетамі. У горадзе прагрымелі гучныя выбухі, успыхнулі пажары на левым беразе. На дадзены момант вядома пра васьмярых пацярпелых, піша «Обозреватель».
Пра атаку паведаміў начальнік Кіеўскай гарадской вайсковай адміністрацыі Цімур Ткачэнка. «У сталіцы працуе СПА. Вораг атакуе горад ракетамі», — напісаў ён.
Мэр Віталій Клічко таксама паведаміў, што Кіеў пад атакай балістыкі. Пазней стала вядома пра выклікі медыкаў у Дняпроўскі, Деснянскі і Дарніцкі раёны горада.
Што вядома пра наступствы атакі РФ
У КГВА паведамілі пра пажары ў некалькіх месцах у левабярэжнай частцы горада.
«Пажары ў Дарніцкім і Деснянскім раёнах. Папярэдне, гарыць нежылая забудова і аўтамабілі», — напісаў Клічко. У Дарніцкім раёне, папярэдне, пашкоджаныя вокны ў жылым доме.
Па стане на 04:54 вядома пра чацвярых пацярпелых у сталіцы. Дваіх з іх медыкі шпіталізавалі.
«Па стане на цяпер чацвёра грамадзян з лёгкімі траўмамі звярнуліся да лекараў», — адзначылі ў КГВА.
Там дадалі, што ў Дняпроўскім раёне Кіева ёсць выбітыя вокны, пашкоджаныя аўтамабілі, варонка ў двары жылога дома.
А 05:02 мэр Кіева паведаміў, што колькасць пацярпелых у выніку варожай атакі павялічылася.
«Ужо 6 пацярпелых у сталіцы. Вялікія пажары ў нежылай забудове ў Деснянскім і Дарніцкім раёнах. Усе службы працуюць на месцах», — напісаў Клічко.
Праз 20 хвілін мэр паведаміў, што вядома ўжо пра васьмярых пацярпелых. Трох з іх шпіталізавалі.
Паводле звестак КГВА, у выніку атакі пашкоджаны дзіцячы сад у Дняпроўскім раёне сталіцы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
