АПЕК гатовая кампенсаваць дэфіцыт нафты пасля санкцый ЗША супраць Расіі

Зарабяць краіны Персідскага заліва і Блізкага Усходу.

АПЕК гатовая кампенсаваць дэфіцыт на рынку нафты пасля ўвядзення ЗША санкцый супраць Расіі, калі на гэта будзе попыт, заявіў міністр нафты Кувейта Тарэк ар-Румі. Ён таксама адзначыў, што варта чакаць росту цэн на нафту. Яго цытуе кувейтская газета Al Anbaa.

Міністр адзначыў, што краіны, якія пацярпелі ад санкцый, верагодна, перанакіруюць свой попыт на нафту ў бок дзяржаў Персідскага заліва і Блізкага Усходу. Паводле яго слоў, першыя прыкметы гэтага ўжо бачныя, і краіны АПЕК гатовыя задаволіць дадатковы попыт.

«Усе краіны АПЕК цяпер экспартуюць менш за свае магчымасці, і ў выпадку росту попыту могуць вярнуць здабычу да ранейшага ўзроўню. (...) АПЕК гатовая вярнуць на рынак аб'ёмы, якія раней былі выведзеныя. Раней мы скарацілі здабычу прыблізна на 1,6 мільёна барэляў у суткі і вяртаем іх паступова, штомесяц. У выпадку павелічэння попыту мы гатовыя цалкам аднавіць ранейшыя аб'ёмы».

23 кастрычніка ЗША і Еўрапейскі саюз адначасова ўвялі новыя санкцыі супраць нафтавага сектара Расіі — упершыню з моманту вяртання Дональда Трампа у Белы дом.

Пад абмежаванні трапілі найбуйнейшыя расійскія экспарцёры нафты — «Лукойл» і «Раснафта».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]