Прэм'ер Літвы: Ніякіх перамоваў з Мінскам не будзе
9- 23.10.2025, 16:47
- 6,206
Лукашэнкаўская Беларусь — не тая краіна, з якой можна размаўляць і дамаўляцца.
Прэм'ер-міністр Літвы Інга Ругінене заявіла ў праграме Žinių radijas, што Вільнюс будзе жорстка рэагаваць на неаднаразовыя парушэнні паветранай прасторы кантрабанднымі паветранымі шарамі з Беларусі.
«Ніякіх перамоваў з Беларуссю не будзе. Гэта не тая краіна, з якой можна размаўляць і дамаўляцца. Мы ўсе разумеем, што большасць паветраных шароў можна затрымаць на тэрыторыі самай Беларусі. Калі суседняя краіна гэтага не зробіць, з нашага боку павінна паследаваць адпаведная рэакцыя», — заявіла кіраўніца ўрада Літвы.
У выпадку паўторнага парушэння мяжы Літвы паветранымі шарамі Інга Ругінене абяцае поўнасцю закрыць мяжу з Беларуссю. Плануюцца і іншыя меры: ужорстчанне адказнасці за кантрабанду, абмеркаванне з літоўскім бізнесам тэхнічных спосабаў прадухілення траплення такіх паветраных шароў у Літву.
Каментуючы масавы ўвоз паветраных шароў у Літву, прэм'ер-міністр заявіла, што хоча, каб «у Беларусі таксама адказна паставіліся да гэтых падзей, незалежна ад палітычных адносін».
«Тое, што я раблю — мае рашэнні і дзеянні — сведчыць пра выразную пазіцыю. Ніякіх перамоваў з Беларуссю не будзе, і калі мы ўбачым якія-небудзь дзеянні супраць нас, калі мы ўбачым, што кантрабанда працягвае свабодна перамяшчацца праз мяжу, нашы службы будуць жорстка рэагаваць тут і цяпер», — патлумачыла прэм'ер-міністр.
Уначы 22 кастрычніка быў закрыты Вільнюскі міжнародны аэрапорт, а рух праз абодва дзейныя пункты прапуску на мяжы з Беларуссю — Мядзінінкай і Шальчынінкай — часова прыпынены з-за самага масавага ў гэтым годзе парушэння паветранай прасторы Літвы метэазондамі з Беларусі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
