Axios: расчараванне Трампа Расіяй дасягнула новых вышынь пасля размовы Рубіа і Лаўрова
8- 23.10.2025, 11:45
- 9,470
Гэты высновак адкрыў шлях адмене сустрэчы з Пуціным і рашэнню ўвесці новыя санкцыі.
Расчараванне прэзідэнта ЗША Дональда Трампа адносна краіны-агрэсара Расіі дасягнула «новых вышынь» пасля тэлефоннай размовы паміж дзяржаўным сакратаром ЗША Маркам Рубіа і міністрам замежных спраў РФ Сяргеем Лаўровым 20 кастрычніка.
Пра гэта са спасылкай на амерыканскага чыноўніка паведамляе Axios.
Паводле яго слоў, размова завяршылася безвынікова і прывяла да высновы, што «расіяне не ў тым становішчы, каб дасягнуць пагаднення аб спыненні вайны супраць Украіны». Як вынік — няма сэнсу праводзіць сустрэчу Трампа і расійскага дыктатара Уладзіміра Пуціна ў Будапешце.
«Гэты высновак адкрыў шлях рашэнню Трампа ўвесці новыя санкцыі супраць Расіі», — піша Axios.
У публікацыі таксама падкрэсліваецца, што з моманту ўступлення Трампа на пасаду ЗША ўпершыню ўвялі санкцыі супраць Расіі. На працягу некалькіх месяцаў амерыканскі лідар сцвярджаў, што ўвядзенне санкцый супраць Масквы падарве яго дыпламатычныя намаганні па спыненні вайны. Змена пазіцыі сведчыць пра тое, што гэты падыход ён цяпер лічыць няўдалым.
Новыя антырасійскія санкцыі былі ўведзены пасля таго, як Трамп адмяніў сустрэчу з Пуціным, і гэта сведчыць пра яго надзвычайную незадаволенасць расійскім дыктатарам, рэзюмуе Axios.
20 кастрычніка дзяржаўны сакратар ЗША Марка Рубіа і кіраўнік МЗС РФ Сяргей Лаўроў правялі тэлефонную размову, падчас якой, як адзначаў Дзярждэпартамент ЗША, абмеркавалі «наступныя крокі» ў працяг перамоваў паміж лідарамі дзвюх краін аб завяршэнні вайны ва Украіне.
У той жа час Крэмль ахарактарызаваў размову як «канструктыўную дыскусію», падчас якой абмяркоўваліся «магчымыя канкрэтныя крокі для рэалізацыі дамоўленасцяў», дасягнутых Трампам і Пуціным.
Паводле дадзеных CNN, пасля размовы Рубіа і Лаўрова амерыканскія чыноўнікі прыйшлі да высновы, што пазіцыя Масквы не змянілася і застаецца максімалісцкай.
Тэлеканал са спасылкай на прадстаўніка Белага дома паведаміў, што сустрэча паміж Рубіа і Лаўровым, якая павінна была адбыцца на гэтым тыдні, пакуль адкладзена на «пэўны час». Крыніца паведаміла, што Рубіа, верагодна, не будзе рэкамендаваць правядзенне сустрэчы Трампа з Пуціным на наступным тыдні.
22 кастрычніка падчас брыфінгу ў Авальным кабінеце прэзідэнт ЗША Дональд Трамп пацвердзіў, што ён адмяніў раней запланаваную сустрэчу з расійскім дыктатарам. Ён таксама прызнаў сваё расчараванне.
«Усё, што я магу сказаць: у нас заўсёды добрыя размовы з Уладзімірам [Пуціным], але яны ні да чаго не прыводзяць», — сказаў Трамп.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
