Вярхоўны суд Нідэрландаў абавязаў РФ выплаціць $50 млрд па справе ЮКАС

Міхаіл Хадаркоўскі заявіў пра «сваю асабістую перамогу».

Вярхоўны суд Нідэрландаў 17 кастрычніка адхіліў апошнюю апеляцыю Расіі па справе аб нацыяналізацыі калісьці найбуйнейшай расійскай нафтагазавай кампаніі ЮКАС. Пра гэта паведаміла Associated Press.

Гэта рашэнне стала фінальным этапам шматгадовага судовага працэсу, у якім Расія спрабавала абскардзіць арбітражнае рашэнне, вынесенае яшчэ ў 2014 годзе. Тады Пастаянная палата Трацейскага суда ў Гаазе пастанавіла, што Расія павінна выплаціць больш за $50 млрд кампаніям Hulley Enterprises, Veteran Petroleum і Yukos Universal, якія валодалі акцыямі ЮКАС. Суд прызнаў, што ў пачатку 2000-х улады РФ незаконна нацыяналізавалі кампанію пасля арышту яе кіраўніка – расійскага бізнесмена, апазіцыйнага палітыка Міхаіла Хадаркоўскага.

Расія неаднаразова спрабавала аспрэчыць гэтае рашэнне ў розных судовых інстанцыях, аднак Вярхоўны суд Нідэрландаў паставіў канчатковую кропку, адзначыла Associated Press.

Генеральны дырэктар кампаніі GML Тым Осборн, які прадстаўляе інтарэсы былых акцыянераў ЮКАС, заявіў, што рашэнне Вярхоўнага суда Нідэрландаў з’яўляецца «гістарычнай перамогай» для акцыянераў і пацвярджае прынцып справядлівасці, паводле якога ніводная дзяржава, «нават дзяржава-ізгой кшталту Расіі», не стаіць вышэй за закон.

Хадаркоўскі ў Telegram таксама пракаментаваў рашэнне суда. Ён напісаў, што справа аб кампенсацыях за скрадзеную кампанію не з’яўляецца яго бітвай, бо акцыянерам ЮКАС ён перастаў быць у 2004 годзе і не ўдзельнічаў у працэсе за «прэславутыя $50 млрд».

«Але для мяне гэтае рашэнне таксама мае важнае значэнне. Незалежны паважаны і прызнаны Расіяй суд (а ўлады РФ пагадзіліся ўдзельнічаць у працэсе, а значыць, прызналі кампетэнцыю суда) зафіксаваў: кампанія ЮКАС вяла законную дзейнасць. Менеджмент і акцыянеры ЮКАС – не злачынная група. Кампанію забралі і знішчылі не праз падатковыя прэтэнзіі ці парушэнні заканадаўства, а з палітычных прычын і дзеля расправы з галоўным на той момант акцыянерам і кіраўніком кампаніі. Таму ў гэтай частцы рашэнне Вярхоўнага суда Нідэрландаў – гэта мая асабістая перамога і фінальная кропка па ўсіх прэтэнзіях да мяне з боку пуцінскіх «праваахоўнікаў», – падкрэсліў Хадаркоўскі.

Ён падзякаваў усім, «хто патраціў на гэты працэс 20 гадоў жыцця», асобна адзначыўшы свайго сябра Леаніда Неўзліна.

«Гэта самы магутны ўдар па пуцінскім рэжыме ў прававым полі», – рэзюмаваў Хадаркоўскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]