Лукашысты ўзяліся за маркетплэйсы

Якія ёсць прэтэнзіі?

Міністэрства антыманапольнага рэгулявання і гандлю (МАРТ) запытала беларусаў, як яны ацэньваюць працу маркетплэйсаў у Беларусі. Раней Аляксандр Лукашэнка даручыў чыноўнікам кантраляваць гандаль — суадносіны яго відаў: сеткавы гандаль, крамы крокавай даступнасці, маркетплэйсы.

Нагадаем, раней, на пачатку кастрычніка, кіраўніцтва МАРТ сустрэлася з прадстаўнікамі Emall, Wildberries, SHOP.BY і некаторых іншых анлайн-рытэйлераў. Тады ведамства запусціла апытанне спажыўцоў аб працы маркетплэйсаў і пунктаў выдачы тавараў.

Што думаюць пакупнікі пра такую форму гандлю

У кастрычніцкім анлайн-апытанні МАРТ пра працу маркетплэйсаў і пунктаў выдачы замоваў узялі ўдзел 1629 рэспандэнтаў. Як высветлілася, беларусы найактыўней робяць пакупкі на такіх інтэрнэт-пляцоўках, як Wildberries, OZON, Emall.by, Onliner, AliExpress.

«Ключавымі фактарамі пры выбары платформы з'яўляюцца цана, шырокі асартымент і магчымасць аплаты пры атрыманні. Таксама важныя хуткасць і кошт дастаўкі, лёгкасць вяртання», — удакладняюць у МАРТ.

Больш за палову рэспандэнтаў (50,9%) адказалі, што робяць пакупкі на маркетплэйсах раз на месяц. Большасць рэспандэнтаў (63,3%) не лічыць, што такая форма гандлю злоўжывае сваім становішчам, астатнія мяркуюць інакш.

«Нягледзячы на высокую папулярнасць, пакупнікі адзначаюць і шэраг праблем. Асноўныя складанасці ўзнікаюць пры атрыманні замоваў у пунктах выдачы. 40,8% адзначаюць парушэнне тэрмінаў дастаўкі, 18,2% — непрыём тавару з недахопамі ў парадку вяртання, 16% скардзяцца на якасць абслугоўвання ў пунктах выдачы замоваў (няветлівасць супрацоўнікаў, чэргі, бруд), — паведамляе МАРТ. — Сама працэдура вяртання таксама выклікае незадаволенасць у пакупнікоў».

Некаторыя апытаныя скардзіліся на нязручную і працяглую схему вяртання тавараў. «Таксама пакупнікі адзначаюць недастатковую інфармаванасць пра важныя характарыстыкі тавараў: адсутнасць актуальнай інфармацыі пра сэрвісныя цэнтры, гарантыйныя ўмовы, характарыстыкі, вытворцу і краіну паходжання, — паведамляе МАРТ. — Такім чынам, балючымі кропкамі для спажыўцоў з'яўляюцца перш за ўсё ўзровень сэрвісу ў пунктах выдачы замоваў і лагістыка, што ў пэўнай ступені ўплывае на агульнае ўражанне і давер да маркетплэйсаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]