СМІ: Генерала-палкоўніка Фаміна адправяць у адстаўку з пасады намесніка міністра абароны РФ

Ён уваходзіў у расійскую дэлегацыю на перамовах з Украінай у Стамбуле.

Генерал-палкоўнік Аляксандр Фамін, які ўваходзіў у расійскую дэлегацыю на перамовах з Украінай у Стамбуле, рыхтуецца да адстаўкі з пасады намесніка міністра абароны. Пра гэта паведамляе РБК са спасылкай на крыніцы, блізкія да ваеннага ведамства.

Паводле звестак крыніц, указ аб кадравых перастановах ужо падрыхтаваны. На месца Фаміна будзе прызначаны першы намеснік міністра прамысловасці і гандлю Васіль Асмакоў.

66-гадовы Фамін кураваў у Мінабароны РФ пытанні міжнароднага ваеннага супрацоўніцтва. Ён узначальваў Федэральную службу па ваенна-тэхнічным супрацоўніцтве з 2012 па 2017 год, пасля чаго заняў пасаду намесніка міністра абароны.

Новы намеснік міністра абароны Васіль Асмакоў, 42-гадовы выпускнік МДУ па спецыяльнасці «усходазнаўства», працуе ў Мінпрамторгу з 2008 года. На яго месца першым намеснікам міністра прамысловасці і гандлю, паводле звестак крыніц, прызначаны Кірыл Лысагорскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]