Украіна згодная на «алімпійскае перамір’е» з Расіяй

Спікер МЗС адказаў на ініцыятыву Італіі.

Украіна згодная на перамір’е з Расіяй на час правядзення зімовых Алімпійскіх гульняў, якія адбудуцца з 6 па 22 лютага 2026 года. Такую заяву зрабіў спікер украінскага Міністэрства замежных спраў Георгій Ціхі.

Паводле яго слоў, Украіна падтрымлівае заклік Італіі да перамір’я падчас зімовай Алімпіяды-2026.

Але Ціхі нагадаў, што Крэмль раней неаднаразова здзяйсняў агрэсію супраць суверэнных дзяржаў падчас Алімпійскіх гульняў. Ён лічыць, што гэта рабілася наўмысна, бо падчас Алімпіяды ўся ўвага СМІ прыкавана да спорту.

«Расія пачала ўварванне ў Грузію падчас алімпійскага перамір’я. Расія пачынала ўварванне ва Украіну падчас алімпійскага перамір’я», — нагадаў Ціхі.

Спікер украінскага МЗС падкрэсліў, што Украіна ў любы момант гатовая да перамір’я з Расіяй. Кіеў лічыць, што агонь можна спыніць і да пачатку зімовай Алімпіяды 2026 года.

Прапанова Італіі аб перамір’і

У кастрычніку гэтага года віцэ-прэм’ер-міністр і міністр замежных спраў Італіі Антоніа Таяні заявіў, што Рым прапануе ўвесці сусветнае перамір’е на час правядзення зімовай Алімпіяды 2026 года (яна адбудзецца ў Італіі — рэд.). Гэтую ідэю падтрымала і Арганізацыя Аб’яднаных Нацый. Прапанова італьянскага ўрада таксама датычыцца перамір’я ў вайне Расіі супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]