Жонка Трампа паведаміла, што Пуцін адказаў ёй на ліст аб выкрадзеных украінскіх дзецях

Першыя ўз'ядналіся са сваімі сем'ямі.

Першая лэдзі ЗША Меланія Трамп 10 кастрычніка заявіла, што восем украінскіх дзяцей уз'ядналіся са сваімі сем'ямі пасля перамоваў яе прадстаўнікоў з камандай нелегітымнага расійскага прэзідэнта Уладзіміра Пуціна. Відэазапіс выступлення жонкі Дональда Трампа ў YouTube апублікаваў ABC News.

Меланія Трамп распавяла, што ў яе з Пуціным быў «адкрыты канал сувязі» па пытаннях дабрабыту дэпартаваных РФ украінскіх дзяцей.

Такім чынам, за апошнія тры месяцы бакі ўдзельнічалі у некалькіх нефармальных сустрэчах, а таксама правялі тэлефонныя размовы, дадала першая лэдзі ЗША.

«Восем дзяцей былі вярнутыя ў свае сем'і за апошнія 24 гадзіны», – адзначыла Меланія Трамп.

Па яе словах, трое з іх былі разлучаныя з бацькамі і перамешчаныя ў РФ з-за баявых дзеянняў на лініі фронту, а астатнія пяцёра – разлучаныя з членамі сям'і на іншым баку мяжы праз вайну, уключаючы адну маленькую дзяўчынку, якая ўжо ўз'ядналася з сваякамі ў РФ.

Жонка Дональда Трампа таксама выказала занепакоенасць наконт украінцаў, якія былі непаўналетнімі на момант дэпартацыі падчас вайны, але з таго часу сталі паўналетнімі, пражываючы ў РФ.

«Улічваючы небяспеку перасячэння гэтага ахопленага вайной рэгіёна, іх бяспечнае вяртанне патрабуе скаардынаванай дапамогі, – падкрэсліла Меланія Трамп. – Адпаведна, Расія пагадзілася ў кароткія тэрміны ўз'яднаць асоб, якім споўнілася 18 гадоў. Гэтая праца працягваецца. Планы па ўз'яднанні яшчэ большай колькасці дзяцей ў найбліжэйшай будучыні ўжо распрацоўваюцца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]