Аналена Бербок абвінаваціла Трампа ў распаўсюджванні фэйкаў
6- 29.09.2024, 20:37
- 3,686
Паабяцаўшы падтрымліваць «даверныя стасункі».
Міністарка замежных справаў Нямеччыны Аналена Бербок раскрытыкавала Дональда Трампа за распаўсюджванне «фальшывых навінаў» пра яе краіну, паабяцаўшы пры гэтым падтрымліваць «даверныя стасункі» з наступнай адміністрацыяй Трампа, калі той пераможа на будучых выбарах.
«Мы сапраўды былі крыху здзіўленыя тым, што пра маю краіну з'явіліся фальшывыя навіны, калі не сказаць хлусня», – сказала Бербок у інтэрв'ю Bloomberg TV у Нью-Ёрку.
Тым не менш палітык з партыі «зялёных» дала зразумець, што яе ўрад будзе супрацоўнічаць, калі рэспубліканец пераможа другі тэрмін у Белым доме ў лістападзе, як гэта было з адміністрацыяй дэмакрата Байдэна.
«Мы, безумоўна, зацікаўленыя ў тым, каб прадаўжаць гэтыя даверныя стасункі» з ЗША, – сказала яна.
Бербок спаслалася на заяву былога прэзідэнта на дэбатах з кандыдаткай ад дэмакратаў Камалай Гарыс 10 верасня, у якой Трамп сказаў, што пераход Нямеччыны на аднаўляльныя крыніцы энэргіі пацярпеў крах і што краіна звярнулася да будаўніцтва «звычайных» электрастанцый.
«Калі маю краіну прадстаўляюць як нешта няправільнае, то Міністэрства замежных справаў абавязанае сказаць: выбачайце, але сітуацыя ў нашай краіне не такая», – заявіла Бербок, абараняючы зваротную рэпліку свайго міністэрства ў сацыяльных сетках на наступны дзень пасля каментара Трампа.
«Падабаецца нам гэта ці не: энэргетычная сістэма Нямеччыны цалкам функцыянуе і больш чым на 50% складаецца з аднаўляльных крыніцаў энэргіі. І мы закрываем – а не будуем – вугальныя і атамныя станцыі. Вугаль будзе выключаны з энэргасістэмы не пазней за 2038», – напісала Міністэрства замежных справаў на сваім англамоўным канале X.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
