Беларускія добраахвотнікі ўзялі ў палон беларуса, які ваяваў за расейцаў

Цяпер ён заклікае не ваяваць за акупантаў.

У Ваўчанску ў Харкаўскай вобласці Украіны беларускія добраахвотнікі з БДК і «Тэрора» ўзялі ў палон беларуса, які ваяваў за РФ. На днях яны ўдзельнічалі ў вызваленні агрэгатнага завода. Грамадзянін Беларусі разам з расейцамі прабыў там два дні і здаўся. Пра гэта паведамляецца ў Telegram-канале добраахвотнікаў.

47-гадовы мужчына кажа, што ён ураджэнец Мастоў. У беларускім войску быў кіроўцам пажарнай машыны ў войсках супрацьпаветранай абароны. У канцы 1990-х - у пачатку 2000-х працаваў у Польшчы, а пасля паехаў у Расею, займаўся будаўнічымі працамі. У Пецярбургу беларус бачыў «жыццёвыя перспектывы», спадзяваўся атрымаць расейскае грамадзянства. Але за п'яную бойку з паліцыянтамі яму пагражала крымінальная адказнасць. У паліцыі прапанавалі падпісаць кантракт і адправіцца на вайну ва Украіну, і ён пагадзіўся.

Калі з'явіліся байцы УСУ, расейскія вайскоўцы не супраціўляліся. У палоне іх накармілі, напаілі, надалі меддапамогу. Цяпер грамадзянін Беларусі заклікае землякоў не ісці ваяваць у расейскае войска.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]