У Беларусь заляцеў яшчэ адзін расейскі «Шагед»

Беспілотнік парушыў паветраную прастору пад Лоевам.

У Беларусь ізноў заляцеў расейскі дрон-камікадзэ падчас начнога нападу на Украіну. У гэты момант у небе была беларуская авіяцыя.

Пра гэта паведамляе РБК-Украіна са спасылкай на маніторынгавую групу "Беларускі Гаюн".

Уначы пад 4:10 расейскі «Шагед» парушыў паветраную прастору Беларусі ля Лоева ў Гомельскай вобласці. Дрон прабыў у Беларусі блізу 30 хвілін.

Беспілотнік рухаўся ў заходнім кірунку, а затым павярнуў на паўднёвы ўсход і вярнуўся ва Украіну. Паводле аналітыкаў, «Шагед» паляцеў у бок места Славуціча, дзе яго заўважылі а 5.05.

Як адзначае маніторынгавая група, калі "Шагед" заляцеў у Беларусь, у небе над Гомельскай вобласцю пільнаваў знішчальнік. Самалёт узняўся ў неба з аэрадрома «Баранавічы» пад 3:40.

Варта дадаць, што ўжо не першы раз расейскія ўдарныя дроны залятаюць у Беларусь падчас абстрэлаў Украіны. Некалькі разоў беларуская авіяцыя знішчала "Шагеды".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]