Гарыс павялічыла адрыў ад Трампа пасля дэбатаў

Апытанне Reuters.

На агульнанацыянальным узроўні віцэ-прэзідэнтка ЗША Камала Гарыс апярэджвае рэспубліканца Дональда Трампа на пяць адсоткавых пунктаў – 47% супраць 42% – за менш чым два месяцы да прэзідэнцкіх выбараў.

Пра гэта сведчыць апытанне Reuters/Ipsos.

Адзначаецца, што Гарыс павялічыла адрыў у агульнанацыянальным рэйтынгу ад Трампа пасля прэзідэнцкіх дэбатаў, у якіх, на думку большасці рэспандэнтаў, яна перамагла.

У папярэднім апытанні Reuters/Ipsos віцэ-прэзідэнтка ад Дэмакратычнай партыі апярэджвала апанента на чатыры пункты.

Сярод выбарнікаў, якія сказалі, што чулі прынамсі нешта пра прэзідэнцкія дэбаты, 53% апытаных сказалі, што перамагла Гарыс, а 24% – што перамог Трамп.

Акрамя таго, блізу 52% рэспандэнтаў Reuters/Ipsos сказалі, што Трамп на дэбатах запінаўся і не меў пераканальнага выгляду, у той час як тое самае пра Гарыс сказаў толькі 21%.

Агульнанацыянальныя апытанні даюць важныя сігналы пра погляды электарату ЗША, але пераможцу выбараў вызначаюць менавіта вынікі галасавання ў кожным штаце, нагадвае Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]